Friday, October 2, 2026 10:27 pm
கொழும்பு பிரதம நீதவான் நீதிமன்றத்தின் உத்தரவைத் தொடர்ந்து, மினுவாங்கொட மாவட்ட நீதிமன்றப் பதிவாளர் அக்டோபர் 6 ஆம் திகதி வரை விளக்கமறியலில் வைக்கப்பட்டுள்ளார்.
கொழும்பு மேல் நீதிமன்ற ஊழியர் ஒருவருக்கு 50,000 ரூபாய் இலஞ்சம் வழங்குவதற்கு உடந்தையாக இருந்ததாகக் கூறப்படும் குற்றச்சாட்டின் பேரில், இலஞ்சம் அல்லது ஊழல் பற்றிய குற்றச்சாட்டுகளை விசாரிக்கும் ஆணைக்குழுவினால் (CIABOC) குறித்த பதிவாளர் கைது செய்யப்பட்டார்.
முன்னாள் பிரதி அமைச்சர் சரண குணவர்தன சம்பந்தப்பட்ட வழக்கு ஒன்றில் சாதகமான தீர்ப்பைப் பெறுவதற்காகவே இந்த லஞ்சம் வழங்கப்படவிருந்ததாகக் கூறப்படுகிறது.
விசாரணைகள் நடைபெற்று வருவதாக ஆணைக்குழு நீதிமன்றத்திற்குத் தெரிவித்த அதேவேளை, இச்சம்பவம் தொடர்பாகத் தனது கட்சிக்காரர் எந்தப் பணத்தையும் பெற்றுக்கொள்ளவில்லை என்று சந்தேகநபரின் சட்டத்தரணி வாதிட்டார்.
