Sunday, November 15, 2026 10:09 pm
டக்கார் 2026 ஒலிம்பிக்கில் கடந்த புதன்கிழமை நடைபெற்ற , இளையோர் ஒலிம்பிக் கலப்பு அணி ஜிம்னாஸ்டிக்ஸ் பிரிவில் யாங் லான்பின் ,சென் ஜியான் ஆகியோர், சீனா முதல் தங்கப் பதக்கத்தை வெல்ல உதவினர்.
பேலன்ஸ் பீம் பிரிவில் சென் 13.866 புள்ளிகளைப் பெற்றார். இதனைத் தொடர்ந்து, ஜப்பானின் இக்கி நிஷிஹாரா ஹாரிசாண்டல் பார் பிரிவில் 13.900 புள்ளிகளைப் பெற்று பதிலடி கொடுத்தார். தங்கப் போட்டியில் ஜப்பானைத் தக்கவைக்க, யூமே மினாமினோ அன்ஈவன் பார்ஸ் பிரிவில் பிழையின்றி செயல்பட வேண்டியிருந்தது. ஆனால், அவர் ஒரு சம்மர்சால்ட்டில் தாமதமாகக் கீழே விழுந்து, பாரின் மீது அமர்ந்ததால், 12.066 புள்ளிகளுடன் திருப்தி அடைய வேண்டியிருந்தது.
அன்றிரவின் கடைசி ஜிம்னாஸ்டிக் வீராங்கனையான யாங், ஃப்ளோர் எக்சர்சைஸ் பிரிவில் 13.966 புள்ளிகளைப் பெற்று, சீனா இந்தப் போட்டியில் அதிகபட்சமாக 27.832 புள்ளிகளைப் பெற உதவினார். ஜப்பான் 25.966 புள்ளிகளுடன் வெள்ளிப் பதக்கத்தை வென்றது. இஸ்ரேல் வெண்கலப் பதக்கத்தையும், இத்தாலி நான்காவது இடத்தையும் பிடித்தன.
இந்தப் போட்டியில் பன்னிரண்டு அணிகள் போட்டியிட்டன, ஒவ்வொன்றிலும் ஒரு ஆண்,ஒரு பெண் அடங்கிய ஒரு நிலையான ஜோடி இடம்பெற்றது. மூன்று சுற்றுகளில் ஒவ்வொன்றின் முடிவிலும் புள்ளிகள் நீக்கப்பட்டன, மேலும் ஒவ்வொரு சுற்றிலும் ஒவ்வொரு ஜோடியும் சாதனத்தை மாற்றிக்கொண்டது. எட்டு அணிகள் இரண்டாம் சுற்றுக்குத் தகுதி பெற்றன, கடைசி நான்கு அணிகள் மூன்றாம் சுற்றில் பதக்கங்களுக்காகப் போட்டியிட்டன.
கலப்பு அணிகளுக்கான இந்தப் போட்டி, 2028 லொஸ் ஏஞ்சல்ஸ் ஒலிம்பிக் விளையாட்டுகளில் முதன்முறையாக அறிமுகப்படுத்தப்படவுள்ளது

