Sunday, November 15, 2026 10:01 pm
க.பொ.த சாதாரண தரம் (O/L) , உயர்தரம் (A/L) பரீட்சைகளுக்குத் தயாராகும் மாணவர்கள் தவறாது பாடசாலைக்குச் செல்ல வேண்டும் என்று பிரதமர் மற்றும் கல்வி அமைச்சர் கலாநிதி ஹரிணி அமரசூரிய தெரிவித்துள்ளார். மாணவர்கள் பாடசாலைக்குச் செல்வதை உறுதிப்படுத்துமாறு பெற்றோர்களை அவர் கேட்டுக்கொண்டார்.
அக்கரைப்பற்று முஸ்லிம் தேசியப் பாடசாலையின் 80-வது ஆண்டு விழாவில் இன்று ஞாயிற்றுக்கிழமை (15) உரையாற்றிய அவர், ஒவ்வொரு குழந்தையும் 13 ஆண்டுகள் கல்வியைப் பெற வேண்டும் என்றார்.
சாதாரண தரம் மற்றும் உயர்தர வகுப்புகளை அடையும் போது, மாணவர்கள் தொடர்ந்து பாடசாலைக்குச் செல்வதை நிறுத்துவது குறித்து அவர் தனது கவலையை வெளிப்படுத்தினார்.
2027-ஆம் ஆண்டுக்கான வரவு செலவுத் திட்டத்தில் கல்விக்காக 749 பில்லியன் ரூபாயை அரசாங்கம் ஒதுக்கியுள்ளதாகவும், இதில் பாடசாலைக் கல்விக்காக மட்டும் 562.4 பில்லியன் ரூபாய் ஒதுக்கப்பட்டுள்ளதாகவும் பிரதமர் தெரிவித்தார். இது இலங்கையின் வரலாற்றில் கல்விக்காக ஒதுக்கப்பட்ட மிகப்பெரிய தொகையாகும்.
கல்வி என்பது பரீட்சைகளில் தேர்ச்சி பெறுவதுடன் மட்டும் நின்றுவிடக் கூடாது என்றும், மாறிவரும் உலகத்தை எதிர்கொள்ளத் தேவையான தலைமைத்துவம், குழுப்பணி மற்றும் பிற திறன்களை வளர்த்துக்கொள்ள மாணவர்களுக்கு உதவ வேண்டும் என்றும் கலாநிதி அமரசூரிய குறிப்பிட்டார். ஒவ்வொரு குழந்தைக்கும் அவர்களின் பின்னணி எதுவாக இருந்தாலும் தரமான கல்வி பெறுவதற்கு உரிமை உண்டு என்று அவர் கூறினார்; மேலும், அனைவருக்கும் சமமான கல்வி வாய்ப்புகள் கிடைப்பதை அரசாங்கம் உறுதி செய்ய வேண்டும் என்றும் அவர் கூறினார்

