Monday, February 23, 2026 11:33 am
ஐசிசி T20 உலகக் கிண்ண கிரிக்கெட் தொடரின் சுப்பர் 08 சுற்றில் இலங்கை அணிக்கெதிரான போட்டியில் இங்கிலாந்து அணி 51 ஓட்டங்கள் வித்தியாசத்தில் வெற்றி பெற்றுள்ளது.
கண்டி பல்லேகலயில் நடைபெற்ற இந்த போட்டியில் நாணய சுழற்சியில் வெற்றி பெற்ற இலங்கை அணி முதலில் களத்தடுப்பில் ஈடுபட தீர்மானித்தது. முதலில் துடுப்பெடுத்தாடிய இங்கிலாந்து அணி நிர்ணயிக்கப்பட்ட 20 ஓவர்கள் நிறைவில் 09 விக்கெட்டுகளை இழந்து 146 ஓட்டங்களைப் பெற்றது.
துடுப்பாட்டத்தில் இங்கிலாந்து அணியின் சார்பில் பில் சோல்ட் 62 ஓட்டங்களைப் பெற்றுக்கொடுத்தார். பந்துவீச்சில் இலங்கை அணியின் சார்பில் துனித் வெல்லாலகே அதிகபட்சமாக 03 விக்கெட்டுகளை கைப்பற்றினார்.
147 ஓட்டங்கள் வெற்றி இலக்கை நோக்கி துடுப்பெடுத்தாடிய இலங்கை அணி 16.4 ஓவர்கள் நிறைவில் சகல விக்கெட்டுகளையும் இழந்து 95 ஓட்டங்களை மாத்திரமே பெற்று தோல்வியடைந்தது.
