Sunday, November 23, 2025 2:01 pm
யால சரணாலயத்தின் கோனகன் ஆரா பகுதியில் 2 இலட்சத்திற்கும் அதிகமான கஞ்சா மரங்கள் கண்டுபிடிக்கப்பட்டுள்ளன.
பொலிஸாரால் நான்கு நாட்களாக மேற்கொள்ளப்பட்ட விசேட தேடுதல் நடவடிக்கையின் போது பெரிய அளவிலான மூன்று கஞ்சா பயிர்செய்கைகள் கண்டுபிடிக்கப்பட்டுள்ளன.
இதிலிருந்து 200,000 க்கும் மேற்பட்ட கஞ்சா செடிகளும், 50 கிலோகிராம்களுக்கும் அதிகமான உலர்ந்த கஞ்சாவும் கைப்பற்றப்பட்டுள்ளது.
மேலும் இந்த சோதனை நடவடிக்கையின் போது மூன்று பயிர்செய்கைகளும் முற்றிலுமாக அழிக்கப்பட்டதாக பொலிஸார் தெரிவித்துள்ளனர்.
இலங்கையில் பெருமளவான அளவில் போதைப்பொருள் பாவனை அதிகரித்துள்ள நிலையில் ஜனாதிபதி அநுரகுமார திசநாயக்க தலைமையில் “முழு நாடும் ஒன்றாக” செயற்திட்டத்தின் மூலம் ஒவ்வொரு நாளும் பெருமளவான போதைப்பொருட்களும், அதனை கடத்துபவர்களும் கைது செய்யப்பட்டு வருகின்றனர். அந்த செயற்திட்டத்தின் ஒரு பகுதியாக இந்த நடவடிக்கை முன்னெடுக்கப்பட்டுள்ளது.

