Sunday, November 8, 2026 4:33 pm
டக்கார் 2026 இளைஞர் ஒலிம்பிக் விளையாட்டுப் போட்டிகளில், வுஷு தனது முதல் ஒலிம்பிக் பதக்க வெற்றியாளர்களை கடந்த வாரம் உருவாக்கியது. சீனா, எகிப்து, சிங்கப்பூர் , சீனாவின் ஹொங்கொங் ஆகிய நாடுகளைச் சேர்ந்த விளையாட்டு வீரர்கள் தங்கம் வென்றதன் மூலம், இந்த சீனத் தற்காப்புக் கலை ஒரு அதிகாரப்பூர்வ பதக்க விளையாட்டாக அறிமுகமானது.நவம்பர் 1 ஆம் திகதி 3 திகதி வரை டக்கார் எக்ஸ்போ சென்டரில் நடைபெற்ற இந்த மூன்று நாள் போட்டியில், 46 நாடுகள் உட்பட பிராந்தியங்களைச் சேர்ந்த 47 விளையாட்டு வீரர்கள் போட்டியிட்டனர்.
நான்கு தங்கப் பதக்கங்களும் செவ்வாய்க்கிழமை அன்று தீர்மானிக்கப்பட்டன. இது வுஷுவின் சர்வதேச வளர்ச்சியிலும், ஒலிம்பிக் இயக்கத்தில் ஒரு வலுவான இடத்தைப் பெறுவதற்கான அதன் முயற்சிகளிலும் ஒரு மைல்கல்லைக் குறிக்கிறது.
விளையாட்டு வீரர்கள்,பயிற்சியாளர்கள், அதிகாரிகள் ஆகியோர் வுஷு செயல்விளக்கங்களை நடத்தினர். அதே நேரத்தில், போட்டிகளின் விளையாட்டுத் திட்டத்தின் மூலம் உள்ளூர் குழந்தைகளுக்கு இந்த விளையாட்டு அறிமுகப்படுத்தப்பட்டது.
வுஷு இதற்கு முன்னர் பீஜிங் 2008 ஒலிம்பிக் போட்டி,நான்ஜிங் 2014 இளைஞர் ஒலிம்பிக் போட்டிகளுடன் தொடர்புடைய கலாசார , கல்வித் திட்டங்களில் இடம்பெற்றிருந்தது. டோக்கியோ 2020-ல் ஒரு கூடுதல் விளையாட்டாகச் சேர்ப்பதற்காக இது தேர்வுப் பட்டியலில் இடம்பெற்றது, ஆனால் இறுதித் திட்டத்தில் இடம்பெறவில்லை.
ஆப்பிரிக்காவில் நடைபெறும் முதல் ஒலிம்பிக் நிகழ்வான டக்கார் 2026, 25 விளையாட்டுகளைச் சேர்ந்த சுமார் 2,700 விளையாட்டு வீரர்களை ஒன்றிணைக்கிறது.
