கார்ல்சனை வீழ்த்தி வெற்றி பெற்றார் பிரக்ஞானந்தா

Wednesday, June 3, 2026 7:48 pm

நோர்வே செஸ் போட்டியில், உலகத் தரவரிசையில் முதலிடத்தில் உள்ள மேக்னஸ் கார்ல்சனை இரண்டாவது முறையாக வீழ்த்திய இந்திய கிராண்ட்மாஸ்டர் ஆர். பிரக்ஞானந்தா முன்னணியில் உள்ள வெஸ்லி சோவை நெருங்கி வருகிறார்.
செவ்வாயன்று டெய்க்மன் ப்ஜோர்விகாவில் கறுப்புக் காய்களுடன் பெற்ற பிரமிக்க வைக்கும் வெற்றியானது பிரக்ஞானந்தாவிற்கு மூன்று புள்ளிகளைப் பெற்றுத் தந்ததுடன், அவரை 12 புள்ளிகளுடன் மூன்றாவது இடத்திற்கு உயர்த்தியது. அவர் சோவை விட இரண்டு புள்ளிகள் பின்தங்கியுள்ளார். உலக சம்பியனான டி. குகேஷுக்கு இத்தொடரில் மூன்றாவது தோல்வியைப் பரிசளித்த பிரெஞ்சு வீரர் அலிரெஸா ஃபிரூஸா, 13 புள்ளிகளுடன் இரண்டாவது இடத்தைப் பிடித்துள்ளார்.
20 வயதான இந்திய கிராண்ட்மாஸ்டர் பிரக்ஞானந்தா, மூன்றாவது சுற்றில் நார்வே வீரரை வீழ்த்தியிருந்த நிலையில், திங்கட்கிழமையன்று மீண்டும் அதே வெற்றியைப் பதிவு செய்தார்.
இந்த வெற்றியின் மூலம், கிளாசிக்கல் செஸ்ஸில் 35 வயதான கார்ல்சனை மூன்று முறை தோற்கடித்த மிகச் சில வீரர்களில் ஒருவராக பிரக்ஞானந்தா ஆனார்.