Tuesday, June 2, 2026 11:57 am
கழுத்துப் பகுதியிலிருந்து நாணயக்குற்றி வடிவிலான பொருள்ஒன்றுடன் என்புத்தொகுதி ஒன்று யாழ்ப்பாணம் செம்மணி மனிதப்புதைகுழியிலிருந்து கண்டறியப்பட்டு அகழ்ந்தெடுக்கப்பட்டுள்ளது.
செம்மணி மனிதப் புதைகுழி தொடர்பான மூன்றாம் கட்ட அகழ்வுப் பணிகளின் 13ஆம் நாள் அகழ்வுப் பணிகள் நேற்று திங்கட்கிழமை இடம்பெற்றன. இந்த அகழ்வுப் பணியின் போதே கழுத்துப் பகுதியிலிருந்து நாணயக்குற்றி வடிவிலான பொருள் ஒன்றுடன் என்புத்தொகுதி ஒன்று கண்டறியப்பட்டு அகழ்ந்தெடுக்கப்பட்டுள்ளது. இதனுடன் செம்மணி மனிதப் புதைகுழியில் இதுவரை அடையாளம் காணப்பட்ட மனித என்புத்தொகுதிகளின் மொத்த எண்ணிக்கை 262ஆக உயர்ந்துள்ளது. புதிதாக மேலும் மூன்று மனித என்புத்தொகுதிகள் தென்பட்ட நிலையில் அவை சுத்தம் செய்யப்பட்டு இலக்கமிடப்படவில்லை.
அகழ்ந்தெடுக்கப்பட்ட என்புத்தொகுதியின் கழுத்துப் பகுதியிலிருந்து கண்டறியப்பட்ட நாணயக்குற்றி வடிவிலான பொருள் 97ஆவது சான்றுப் பொருளாக இலக்கமிடப்பட்டு நீதிமன்றக் கட்டுக்காவலில் வைக்கப்பட்டுள்ளது.
இது தொடர்பில் செம்மணி புதைகுழி வழக்கில் காணாமல் ஆக்கப்பட்டோரின் உறவினர்கள் சார்பில் முன்னிலையாகும் சட்டத்தரணி வி.எஸ். நிரஞ்சன் ஊடகங்களுக்குக் கருத்துத் தெரிவித்துள்ளார்.
