Friday, January 23, 2026 3:43 pm
சூப்பர் ஸ்டார் ரஜினிகாந்த் தமிழை தாண்டி ஹிந்தி, தெலுங்கு முதல் ஹாலிவுட் வரை பல திரைப்படங்களில் நடித்துள்ளார்.
ரஜினிகாந் நடித்த “ஹம் மே ஷாஹென்ஷா கவுன்” (உங்களில் யார் ராஜா) என்ற ஹிந்தி திரைப்படம் 1989 இல் படப்பிடிப்பு முடிந்தும் இன்னும் வெளியாகவில்லை. மறைந்த இயக்குனர் ஹர்மேஷ் மல்ஹோத்ரா இதனை இயக்கியுள்ளார்.
இந்த திரைப்படத்தில் ரஜினிகாந்துடன் சத்ருஹன் சின்ஹா, ஹேமமாலினி, அனிதா ராஜ், பிரேம் சோப்ரா மற்றும் மறைந்த நடிகர்கள் அம்ரிஷ் புரி, ஜகதீப் ஆகியோர் நடித்துள்ளனர்.
படத்தின் தயாரிப்பாளரான ராஜா ராய் உடைய மகன் இறந்தது, இயக்குனரின் மறைவு ஆகியவை படம் வெளியாகாமல் இருந்ததிற்கு காரணமாகும்.
தற்போது 37 ஆண்டுகளுக்குப் பின்னர், இந்தப் திரைப்படம் எதிர்வரும் ஏப்ரல் மாதம் திரையரங்குகளில் வெளியாகவுள்ளதாக இந்திய ஊடகங்கள் செய்தி வெளியிட்டுள்ளன.
AI தொழில்நுட்பத்தைப் பயன்படுத்தி இந்த திரைப்படம் 4K தரத்திற்கு மாற்றப்பட்டு மெருகூட்டப்பட்டுள்ளது என கூறப்படுகிறது.
