Saturday, December 20, 2025 1:41 pm
இந்திய மலையாள நடிகர் ஸ்ரீனிவாசன் இன்று சனிக்கிழமை (20) தனது 69வது வயதில் உடல்நலக்குறைவு காரணமாக காலமானதாக இந்திய ஊடகங்கள் செய்தி வெளியிட்டுள்ளன.
உடல் நல பிரச்சனையால் மருத்துவமனையில் டயாலிசிஸ் சிகிச்சையில் இருந்து வந்த ஸ்ரீனிவாசன் இன்று காலை உயிரிழந்தார்.
நடிகரும், இயக்குநருமான ஸ்ரீனிவாசன் 50 ஆண்டுகளுக்கு மேலாக திரையுலகிலிருந்து மலையாளம், தமிழ் உள்ளிட்ட 225க்கும் மேற்பட்ட திரைப்படங்களில் நடித்துள்ளார்.
தமிழில் பிரியதர்ஷின் இயக்கிய லேசா லேசா மற்றும் பார்த்திபன் நடித்த புள்ள குட்டிக்காரன் என இரண்டு திரைப்படங்களில் நடித்துள்ளார்.
கேரள மாநில திரைப்பட விருதுகள், தேசிய திரைப்பட விருதுகள், தென்னிந்திய பிலிம்பேர் விருதுகள் மற்றும் எழுத்தாளர், நடிகர் மற்றும் திரைப்படத் தயாரிப்பாளராக அவரது பங்களிப்புகளுக்காக பல வாழ்நாள் சாதனையாளர் அங்கீகாரங்கள் உட்பட ஏராளமான விருதுகளைப் பெற்றுள்ளார்.
