யாழில் கள்ளுத்தவறணையில் அடித்து கொலை செய்யப்பட்ட குடும்பஸ்தர்!

Friday, November 21, 2025 9:51 am

நான்கு பிள்ளைகளின் தந்தை ஒருவர் கள்ளுத்தவறணையில் வைத்து அடித்து கொலை செய்யப்பட்ட சம்பவம் யாழ்ப்பாணம் அச்செழு பகுதியில் இடம்பெற்றுள்ளது.

நேற்று வியாழக்கிழமை மாலை புன்னாலைக் கட்டுவனில் உள்ள கள்ளுத்தவறனை ஒன்றில் கள்ளு அருந்திக் கொண்டிருந்த இளைஞர்கள் இருவர் குறித்த குடும்பஸ்தரை தாக்கியுள்ளனர்.

தாக்குதலில் படுகாயமடைந்த குடும்பஸ்தர் தெல்லிப்பழை ஆதார வைத்தியசாலையில் அனுமதிக்கப்பட்டு மேலதிக சிகிச்சைக்காக யாழ்.போதனா வைத்தியசாலையில் அனுமதிக்கப்பட்ட நிலையில் உயிரிழந்துள்ளார்.

56 வயதுடைய நான்கு பிள்ளைகளின் தந்தையே இவ்வாறு உயிரிழந்துள்ளார். சம்பவம் தொடர்பில் சுன்னாகம் பொலிசார் விசாரணைகளை முன்னெடுத்து வருகின்றனர்.