Thursday, November 20, 2025 2:42 pm
ஈக்வடோரின் குவைரண்டா – அம்பாடோ வீதியில் பஸ் கவிழ்ந்து பள்ளத்தில் வீழ்ந்து விபத்துக்குள்ளானதில் சம்பவ இடத்திலேயே 21 பேர் உயிரிழந்துள்ளனர்.
ஈக்வடோரில் சிமியாடுக் பகுதியில் உள்ள மலைப்பாதையில் பயணிகளுடன் தனியார் பஸ் ஒன்று பயணித்துக் கொண்டிருந்த போது பஸ் சாரதியின் கட்டுப்பாட்டை இழந்து பள்ளத்தில் கவிழ்ந்து விபத்திற்குள்ளானது.
இந்த விபத்தில் பஸ்ஸில் பயணித்த 21 பயணிகள் சம்பவ இடத்திலேயே பரிதாபமாக உயிரிழந்தனர்.
படுகாயம் அடைந்த பயணிகள் மீட்கப்பட்டு அருகிலுள்ள வைத்தியசாலைகளில் சிகிச்சைக்காக அனுமதிக்கப்பட்டுள்ளனர்.
விபத்துக்கான காரணங்கள் குறித்து அதிகாரிகள் மேலதிக விசாரணைகளை மேற்கொண்டு வருகின்றனர்.
