Monday, June 1, 2026 9:56 pm
தரையிறங்கும் பீரங்கிக் கப்பலான (LST) ‘ஐராவத்’ என்ற இந்திய கடற்படைக் கப்பல், மூன்றுநாள் பயணமாக இலங்கைக்கு வந்துள்ளது. இந்திய அரசாங்கத்தின் மானியத்தின் மூலம், இந்தியக் கடலோரக் காவல்படையிடமிருந்து இலங்கை கடலோரக் காவல்படைக் கப்பலான சுரக்ஷாவிற்குத் தேவையான முக்கிய உதிரி பாகங்களை இக்கப்பல் கொண்டு வந்துள்ளது.
இக்கப்பல் தங்கியிருக்கும் காலத்தில், அதன் கட்டளை அதிகாரியான கமாண்டர் ஐ.பி. பாட்டீல், மேற்கு கடற்படைப் பகுதி கமாண்டரைச் சந்திப்பார். மேலும், கப்பல் குழுவினர் இலங்கை கடற்படையுடன் தொழில்முறை மற்றும் விளையாட்டு ரீதியான கலந்துரையாடல்களில் ஈடுபடுவார்கள். அதுமட்டுமின்றி, ‘தூய்மையான இலங்கை’ பிரச்சாரத்திற்கு ஆதரவாக, கொழும்பில் நடைபெறும் கடற்கரை தூய்மைப்படுத்தும் திட்டத்தில் கப்பல் குழுவினர் இலங்கை கடற்படையுடன் கைகோர்ப்பார்கள்.
