ஐந்து முக்கிய மருத்துவமனைகளுக்கு புதிய இயக்குநர்கள் நியமனம்

Thursday, November 5, 2026 7:37 pm

களுபோவில, ராகம, மட்டக்களப்பு ,பேராதனை போதனா மருத்துவமனை,கொழும்பில் உள்ள சிறுவர்களுக்கான லேடி ரிட்ஜ்வே மருத்துவமனை ஆகிய‌ இலங்கையின் ஐந்து முக்கிய மருத்துவமனைகளுக்குப் புதிய இயக்குநர்கள் நியமிக்கப்பட்டுள்ளனர்.
பொது சேவை ஆணைக்குழுவின் சுகாதார சேவைகள் குழுவின் ஒப்புதலுடன் இந்த நியமனங்கள் மேற்கொள்ளப்பட்டன. இதற்கான உத்தியோகபூர்வ நியமனக் கடிதங்களை சுகாதார அமைச்சர் நலிந்த ஜெயதிஸ்ஸ திங்களன்று (02) சுகாதார அமைச்சில் சமர்ப்பித்தார்.
களுபோவில போதனா மருத்துவமனையின் புதிய இயக்குநராக டபிள்யூ.எம்.யு.எஸ். விஜேமன்ன நியமிக்கப்பட்டுள்ளார், ராகம போதனா மருத்துவமனையின் இயக்குநராக டி.ஏ.கே. பெரேரா நியமிக்கப்பட்டுள்ளார்.
கொழும்பில் உள்ள லேடி ரிட்ஜ்வே சிறுவர் மருத்துவமனையின் புதிய இயக்குநராக வப் ரத்னசேகர நியமிக்கப்பட்டுள்ளார்.
ஜி. சுகுனன் மட்டக்களப்பு போதனா மருத்துவமனையின் இயக்குநராகவும், டபிள்யூ.எம்.சி.எம். விஜேசிங்க பேராதனை போதனா மருத்துவமனையின் இயக்குநராகவும் நியமிக்கப்பட்டுள்ளனர்.
இந்த நியமனங்கள் உடனடியாக அமுலுக்கு வருகின்றன என்றும், நாடு முழுவதும் உள்ள முக்கிய மருத்துவமனைகளில் நிர்வாகத்தின் செயல்திறனையும் தரத்தையும் மேம்படுத்துவதை நோக்கமாகக் கொண்டுள்ளன என்றும் சுகாதார அமைச்சு தெரிவித்துள்ளது.
சுகாதார மற்றும் வெகுஜன ஊடக அமைச்சின் செயலாளர் அனில் ஜசிங்க, சுகாதார சேவைகள் பணிப்பாளர் நாயகம் அசெல குணவர்தன மற்றும் பல அதிகாரிகள் இந்த நியமன விழாவில் கலந்துகொண்டனர்.