Sunday, November 30, 2025 11:02 pm
கண்டி – சரசவிகம பிரதேசத்தில் மண்சரிவினால் நான்கு சிறுவர்கள் உட்பட 23 தமிழர்கள் ஒரே நேரத்தில் உயிரிழந்துள்ளதாக தெரிவிக்கப்படுகின்றது. சரசவிகம – ஹதபிம பிரதேசத்தில் 200 இற்கும் அதிகமான தமிழ் குடும்பங்கள் வாழ்கின்றன.
மண்சரிவு ஏற்பட்ட பகுதியில் 6 குடும்பங்கள் வாழ்கின்றன. சென்ற வியாழக்கிழமை இரவு பெய்த கடும் மழை காரணமாக வீடொன்று மண்சரிவுக்கு உள்ளானது. இதனால் பிரதேச இளைஞர்கள் உள்ளிட்ட பலர் மீட்பு பணிகளை ஆரம்பித்த போது, மீண்டும் பாரிய மண்சரிவொன்று ஏற்பட்டுள்ளது.
இதனாலேயே குறித்த பகுதியில் வாழ்ந்த தமிழ் குடும்பங்கள் பெரும் இழப்பை சந்திக்க நேர்ந்ததாக மக்கள் கூறுகின்றனர். மண்சரிவுகள் புதையுண்டு உயிரிழந்தவர்கள் அனைவரும் தமிழர்கள் என்றும் தோட்டத் தொழிலாளர்கள் எனவும் பிரதேச மக்கள் கூறுகின்றனர்.
இதேவேளை, இலங்கைத்தீவின் மலையகப் பகுதிகளில் ஏற்பட்ட மண்சரிவுகளில் சிக்குண்டு உயிரிழந்தவர்களின் அதிகமானோர் தமிழர்கள் என்று அங்குள்ள செய்தியாளர்கள் தெரிவிக்கின்றனர்.
