Thursday, November 27, 2025 3:53 pm
தென்கிழக்கு வங்கக்கடல் மற்றும் அதனை ஒட்டியுள்ள இலங்கை பகுதிகளில் உருவான கடும் காற்றழுத்த தாழ்வு, தற்போது மண்டலமாக வலுப்பெற்று “டிட்வா” புயலாக மாற்றம் கண்டுள்ளது என வானிலை ஆய்வு மையம் தெரிவித்துள்ளது.
இந்திய வானிலை ஆய்வு மையத்தின் தகவலின் படி சென்னையில் இருந்து தெற்குத் திசையில் சுமார் 700 கி.மீ தொலைவில் புயல் அமைப்பு உருவாகியுள்ளது.
இந்த புயல் அடுத்த சில மணி நேரங்களில் மேலும் வலுப்பெற்றுத் தீவிர வெப்பமண்டல புயலாக மாறக்கூடும் என எதிர்பார்க்கப்படுகிறது. இந்த புயலுக்கு ‘டிட்வா’ என்று பெயர் சூட்டப்பட்டு உள்ளது. இந்த புயல் அதற்கடுத்த 48 மணிநேரத்தில் (29-ந்தேதி) வடக்கு வட மேற்கு திசையில் நகர்ந்து வட தமிழகம் தெற்கு ஆந்திரா மற்றும் புதுச்சேரி கடலோரப் பகுதிகளை நோக்கி நகரக் கூடும் என இந்திய வானிலை ஆய்வு மையம் அறிவித்துள்ளது.
தென்மேற்கு வங்கக்கடல் மற்றும் இலங்கை சுற்றுப்பகுதிகளில் கடும் மழை மற்றும் பலத்த காற்று வீசும் அபாயம் உள்ளது.
