Wednesday, November 26, 2025 2:06 pm
இலங்கை மத்திய வங்கியின் நாணயக் கொள்கை சபை, தனது கொள்கை வட்டி வீதத்தை தற்போதைய மட்டத்திலேயே மாற்றமின்றி தொடர்ந்து பேணுவதற்கு முடிவு செய்துள்ளது.
இதன்படி ஓரிரவு கொள்கை வீதத்தை 7.75 ஆக தொடர்ந்தும் பேணுவதற்கு தீர்மானிக்கப்பட்டுள்ளது.
நேற்று செவ்வாய்க்கிழமை (25) நடைபெற்ற நாணயக் கொள்கை சபைக் கூட்டத்திலேயே இந்த முடிவு எடுக்கப்பட்டுள்ளது.
வளர்ந்து வரும் முன்னேற்றங்கள் மற்றும் உள்நாட்டு மற்றும் உலகளாவிய முனைகளில் ஏற்படும் கண்ணோட்டத்தை கருத்தில் கொண்டு இந்த முடிவு எடுக்கப்பட்டுள்ளதாக மத்திய வங்கி அறிவித்துள்ளது.
பணவீக்கம் முன்னர் கணிக்கப்பட்டதை விட படிப்படியாக உயர்ந்து 2026 ஆம் ஆண்டின் இரண்டாம் பாதியில் இலக்கை நோக்கி நகரும் என்று எதிர்பார்க்கப்படுகிறது.
தற்போதைய பணவியல் கொள்கை நிலைப்பாடு பணவீக்கத்தை ஐந்து வீத இலக்கை நோக்கி நகர்த்த உதவும் என்று நாணயக் கொள்கை சபை கருதுவதாக தெரிவிக்கப்பட்டுள்ளது.
