Friday, November 14, 2025 6:23 pm
பாகிஸ்தான் நாட்டிற்கு சுற்றுப்பயணம் மேற்கொண்டுள்ள இலங்கை கிரிக்கெட் வீரர்களையும், அவர்கள் தொடர்பிலான பாதுகாப்பு ஏற்பாடுகளையும், பாகிஸ்தான் கிரிக்கெட் சபையின் தலைவர் மொஹ்சின் நக்வி, ராவல்பிண்டி கிரிக்கெட் மைதானத்திற்கு நேரில் சென்று பார்வையிட்டுள்ளார்.
இலங்கை உயர் ஸ்தானிகர் பிரெட் செனவிரத்ன மற்றும் உள்துறை இணை அமைச்சர் தலால் சௌத்ரி ஆகியோருடன் நக்வி பாதுகாப்பு ஏற்பாடுகளை ஆய்வு செய்தார்.
சர்வதேச கிரிக்கெட்டுக்கு பாதுகாப்பான சூழலை உறுதி செய்ததற்காக பாதுகாப்பு அணியினரின் அர்ப்பணிப்புக்கு தனது பாராட்டுகளைத் தெரிவித்ததுடன், சவால்கள் இருந்தபோதிலும் இலங்கை வீரர்கள் சுற்றுப்பயணத்தைத் தொடர எடுத்த முடிவுக்கு மொஹ்சின் நக்வி தனது நன்றியைத் தெரிவித்தார்.
