Tuesday, October 28, 2025 2:49 pm
பிரான்சில் இருந்து யாழ்ப்பாணம் வரை 10,000 கிலோமீட்டர் தூரம் சைக்கிள் பயணத்தை வெற்றிகரமாக நிறைவு செய்த, பிரான்சில் வசிக்கும் இனோஷன் சூரனின் முயற்சியினை பாராட்டும் வகையில் இலங்கை இராணுவத்தினரால் அவர் கௌரவிக்கப்பட்டார்.
2025 செப்டம்பர் 01 ஆம் திகதி பிரான்சிலிருந்து தனது பயணத்தைத் தொடங்கிய சூரன் ஜேர்மனி, துருக்கி, இந்தியா உள்ளிட்ட 13 நாடுகள் வழியாகப் பயணம் செய்து கடந்த வியாழக்கிழமை யாழ்ப்பாணத்தை வந்தடைந்தார். அவரது முயற்சியினை பாராட்டும் வகையில் யாழ்ப்பாணத்தில் ஒரு விழா ஏற்பாடு செய்யப்பட்டது.
யாழ்ப்பாணத்தின் விசேட கலாசார முக்கியத்துவம் மரபுகளை உலகிற்கு வெளிப்படுத்துவதும், உள்நாட்டு மற்றும் வெளிநாட்டு சுற்றுலாப் பயணிகளுக்கு யாழ்ப்பாணத்தை பற்றி ஊக்குவிப்பதும், நல்லிணக்கத்தை வளர்ப்பதும், சர்வதேச சமூகங்களுடனான சமூக மற்றும் கலாசார உறவுகளை வலுப்படுத்துவதும் தனது நோக்கம் என சூரன் இதன்போது தெரிவித்துள்ளார்.
