Monday, October 5, 2026 5:05 pm
கியூபெக் மாகாணத் தேர்தல்களில் அடுத்த இரண்டு ஆண்டுகளுக்குள் கனடாவிலிருந்து சுதந்திரம் பெறுவது குறித்து பொது வாக்கெடுப்பு நடத்துவதாக உறுதியளித்த ஒரு கட்சிக்கு இந்தத் தேர்தல் அநேகமாக வெற்றியைத் தரும் என எதிர்பார்க்கப்படுகிறது.
கருத்துக் கணிப்புகள் சரியாக இருந்தால், ஏறக்குறைய ஒன்பது மில்லியன் மக்கள் வசிக்கும் அந்த மாகாணத்தில் பார்ட்டி கியூபெக்வா (PQ) அரசாங்கத்தை அமைக்கும். ஒரு தசாப்தத்திற்கும் மேலாக பிரெஞ்சு மொழி பேசும் பிராந்தியத்தில் இந்த பிரிவினைவாத இயக்கம் ஆட்சிக்கு வருவது இதுவே முதல் முறையாகும்.
தேர்தலில் PQ வெற்றி பெற்றால், அது கியூபெக்கிற்கும் மத்திய அரசுக்கும் இடையே மொழி மற்றும் அடையாளம் தொடர்பான கடுமையான மோதல்கள் மீண்டும் ஏற்படவும் வழிவகுக்கும் .
கியூபெக் அரசியலில் நீண்ட காலமாகச் சரிந்துவரும் சக்தியாகக் கருதப்பட்ட PQ கட்சியின் மீள் எழுச்சிக்குக் கட்சித் தலைவர் பால் செயிண்ட்-பியர் பிளமண்டன் தான் காரணம். 49 வயதான, ஆக்ஸ்போர்டில் கல்வி பயின்ற வழக்கறிஞரும் பன்மொழிப் புலவருமான இவர், இந்த ஆண்டின் தொடக்கத்தில் இராஜினாமா செய்யும் வரை கியூபெக்கின் நீண்டகால முதலமைச்சராக இருந்த ஃபிரான்சுவா லெகால்ட்டிற்கு, டிக்டாக் செய்யும் ஜென்-எக்ஸ் தலைமுறையின் ஒரு மறுப்பாகத் தன்னை நிலைநிறுத்தியுள்ளார்.
செயிண்ட்-பியர் பிளமண்டனின் தேர்தல் வெற்றிக்குக் காரணம் அவர் ஒரு பிரிவினைவாதி என்பதல்ல (ஏனெனில் பெரும்பாலான வாக்காளர்கள் ஒரு சுதந்திரமான கியூபெக்கை ஆதரிப்பதில்லை ), மாறாக, தீவிர அடையாளப் பிரச்சினைகள் குறித்த அவரது வலதுசாரி நிலைப்பாட்டே காரணம் என்று ஆய்வாளர்கள் கூறுகின்றனர்.
