Thursday, November 27, 2025 2:22 pm
அமெரிக்காவின் வெள்ளை மாளிகைக்கு அருகில் துப்பாக்கிச் சூடு ஒன்று இடம்பெற்றுள்ளது. இந்த துப்பாக்கி சூட்டில் இரு தேசிய பாதுகாப்பு அதிகாரிகள் படுகாயமடைந்துள்ளனர்.
துப்பாக்கி சூட்டை நடத்திய துப்பாக்கிதாரி ஆப்கானிஸ்தானைச் சேர்ந்த ஒருவர் என அமெரிக்க புலனாய்வாளர்கள் தெரவித்துள்ளனர்.
வொஷிங்டன் டி.சி.யில் உள்ள வெள்ளை மாளிகைக்கு அருகே நின்ற பெண் காவலரை தாக்கிய பின் அங்கிருந்த மற்றொரு காவலரையும் நோக்கிச் சுட்டிருக்கிறார். அங்கிருந்த இன்னொரு காவலர் உடனடியாக சம்பவ இடத்துக்கு விரைந்து வந்து துப்பாக்கிதாரியை சுட்டு வீழ்த்தியுள்ளார்.
துப்பாக்கிதாரிக்கு காயங்கள் ஏற்பட்டிருந்தாலும் அவருடைய உயிருக்கு எந்த ஆபத்தும் இல்லை என தெரிவிக்கப்பட்டுள்ளது.
29 வயதான அவர் கடந்த 2021ஆம் ஆண்டில் ஆப்கானிஸ்தானில் நிலவிய குழப்பான சூழலின்போது அமெரிக்காவில் தஞ்சம் அடைந்தவர் என கூறப்படுகிறது.
இந்நிலையில் இந்த சம்பவம் தொடர்பாக அமெரிக்க ஜனாதிபதி டொனால்ட் ட்ரம்ப் கடும் கண்டனம் தெரிவித்துள்ளார்.

