மூன்று மாதங்களில் சிறைக் கைதிகளின் எண்ணிக்கை குறைந்துள்ளது

Thursday, October 22, 2026 4:34 pm

சிறைகளில் நெரிசலுக்குக் காரணமாக அமைந்த தாமதங்களைக் களைவதற்காக, அரசாங்கப் பகுப்பாய்வாளர்களின் அறிக்கைகளை வழங்குவதை விரைவுபடுத்த அரசாங்கம் நடவடிக்கை எடுத்துள்ளதாக நீதி அமைச்சர் ஹர்ஷனா நனயக்கார தெரிவித்தார்.
இன்று வியாழகிழமை (22) பாராளுமன்றத்தில் உரையாற்றிய அமைச்சர், திணைக்களத்தின் பணியாளர்களை வலுப்படுத்தவும், தற்போதுள்ள காலி இடங்களை நிரப்பவும் எடுக்கப்பட்ட நடவடிக்கைகளைத் தொடர்ந்து, ஓகஸ்ட் செப்டம்பர் ஆகிய மாதங்களில் மட்டும் 1,506 அரசாங்கப் பகுப்பாய்வாளர்களின் அறிக்கைகள் வழங்கப்பட்டுள்ளதாகத் தெரிவித்தார்.
சிறைகளில் நெரிசலுக்கு முக்கியக் காரணங்களில் ஒன்றாக அரசாங்கப் பகுப்பாய்வாளர்களின் அறிக்கைகளைப் பெறுவதில் ஏற்படும் தாமதங்கள் அடையாளம் காணப்பட்டுள்ளதாகவும் அவர் விளக்கினார்.
மேலும், முன்மொழியப்பட்ட சட்டத் திருத்தங்களின்படி, அரசாங்கப் பகுப்பாய்வாளர் ஒரு பொருளைப் பரிசீலனைக்குப் பெற்ற இரண்டு மாதங்களுக்குள் அது தொடர்பான அறிக்கையை வழங்க வேண்டும் என்றும் அமைச்சர் குறிப்பிட்டார்.
சிறைச்சாலைகளில் நிலவும் நெரிசலைக் கையாள்வதற்காக அறிமுகப்படுத்தப்பட்ட நடவடிக்கைகளைத் தொடர்ந்து, கைதிகளின் எண்ணிக்கை கணிசமாகக் குறைந்துள்ளதாக அமைச்சர் நனயக்கார தெரிவித்தார்.
ஜூலை 1 ஆம் திகதி 41,993 ஆக இருந்த சிறைக் கைதிகளின் எண்ணிக்கை செப்டம்பர் 30 ஆம் திக‌திக்குள் 36,925 ஆகக் குறைந்துள்ளது.