எரிவாயு, எரிபொருள், உரம் , மருந்துகளுக்குத் தட்டுப்பாடு இல்லை – பிரதி அமைச்சர் அனில் ஜயந்த

Wednesday, October 21, 2026 8:04 pm

எரிவாயு, எரிபொருள், உரம் ,மருந்து ஆகியவை நாட்டில் போதுமான கையிருப்பு உள்ளதால், தட்டுப்பாடு ஏற்படும் என அஞ்சத் தேவையில்லை. பொதுமக்களிடையே பதற்றத்தை ஏற்படுத்தவும், எரிவாயு கிடைப்பது குறித்து சந்தேகங்களைப் பரப்பவும் சிலர் முயற்சிப்பதாக தொழிலாளர் நலத்துறை அமைச்சரும், நிதி மற்றும் திட்டமிடல் பிரதி அமைச்சருமான பாராளுமன்றத்தில் தெரிவித்தார்.
மத்திய கிழக்கு போர் தொடர்பான இடையூறுகள் காரணமாக எரிவாயு விநியோகம் ஓரிரு நாட்கள் தாமதமாகியுள்ளது என்றும் அவர் கூறினார். இருப்பினும், நிலைமை விரைவில் இயல்பு நிலைக்குத் திரும்பும் என்று எதிர்பார்க்கப்படுவதாக அவர் மேலும் கூறினார்.
லிட்ரோ காஸ் நிறுவனம் தனது வழக்கமான தினசரி விநியோகமான 80,000 சிலிண்டர்களுடன் ஒப்பிடுகையில், தற்போது ஒரு நாளைக்கு 100,000 சிலிண்டர்களை விநியோகித்து வருவதாக அமைச்சர் தெரிவித்தார். நாட்டில் போதுமான எரிபொருள் கையிருப்பு உள்ளதாக அவர் பாராளுமன்றத்திற்கு உறுதிபடத் தெரிவித்தார்.