Sunday, November 1, 2026 5:42 pm
லொஸ் ஏஞ்சல்ஸ் 2028 ஒலிம்பிக் ,பராலிம்பிக் விளையாட்டுப் போட்டிகளுக்கான ஏற்பாட்டுக் குழு, புதன்கிழமை அன்று “ஸ்டார்ஸ் அலைன்” (Stars Align – நட்சத்திரங்கள் ஒன்றிணையும் தருணம்) என்பதை அந்த விளையாட்டுப் போட்டிகளின் அதிகாரப்பூர்வ முழக்கமாக அறிவித்தது.
LA28 அமைப்பின் கூற்றுப்படி, இந்த முழக்கம், பல ஆண்டுகால அர்ப்பணிப்பு லொஸ் ஏஞ்சல்ஸில் ஒன்றிணையும் தருணத்தைப் பிரதிபலிக்கிறது. இதில் விளையாட்டு வீரர்கள் உலக அரங்கில் போட்டியிடுகின்றனர், பங்காளிகள் மற்றும் தன்னார்வலர்கள் இந்த நிகழ்வைச் சாத்தியமாக்க உதவுகின்றனர், மேலும் உலகம் முழுவதிலும் உள்ள ரசிகர்கள் ஒன்றிணைந்து விளையாட்டுப் போட்டிகளை அனுபவிக்கின்றனர்.
LA28 தலைவர் கேசி வாஸர்மேன் (Casey Wasserman) கூறுகையில், “லொஸ் ஏஞ்சல்ஸ் எப்போதும் பெரிய எண்ணங்கள் உருப்பெறும் இடமாக இருந்து வருகிறது. உலகம் ஒன்றிணையும்போது எத்தகைய சாதனைகளைச் சாதிக்க முடியும் என்பதை இந்த விளையாட்டுப் போட்டிகள் நமக்கு நினைவூட்டுகின்றன. ‘ஸ்டார்ஸ் அலைன்’ என்பது இதில் பங்கேற்க அழைப்பு விடுக்கிறது; நீங்கள் பல ஆண்டுகளாகப் பயிற்சி பெற்ற விளையாட்டு வீரராக இருந்தாலும் சரி, உலகத்தையே வரவேற்கும் தன்னார்வலராக இருந்தாலும் சரி, அல்லது அரங்கில் அமர்ந்து உற்சாகப்படுத்தும் ரசிகராக இருந்தாலும் சரி – அனைவரும் இதில் இணையலாம். 2028-ல் இந்தத் தருணத்தை அனைவருடனும் பகிர்ந்து கொள்ள நாங்கள் ஆவலுடன் காத்திருக்கிறோம்” என்று தெரிவித்தார்.
லொஸ் ஏஞ்சல்ஸ் 2028 ஒலிம்பிக் விளையாட்டுப் போட்டிகள் ஜூலை 14 முதல் 30 ஆம் திகதி வரையிலும், அதனைத் தொடர்ந்து பராலிம்பிக் விளையாட்டுப் போட்டிகள் ஓகஸ்ட் 15 முதல் 27 ஆம் திகதி வரையிலும் நடைபெறவுள்ளன.
