Monday, July 6, 2026 8:07 pm
நீர்கொழும்பு சிறைச்சாலையில் நடந்த வன்முறை மோதல்களில் பலி எண்ணிக்கை 26 ஆக உயர்ந்துள்ளதாகவும், இறந்தவர்களில் ஏழு சிறை அதிகாரிகளும் 19 கைதிகளும் அடங்குவதாக நீதி அமைச்சர் ஹர்ஷனா நனயக்கார தெரிவித்தார்.
நீர்கொழும்பு சிறை வளாகத்திற்குள் நடந்த வன்முறை மோதல்களைத் தொடர்ந்து, நீதி அமைச்சர் ஹர்ஷனா நனயக்கார இன்று சிறையைப் பார்வையிட்ட பின்னர் கருத்துத் தெரிவிக்கையில், ர்.
23 சிறை அதிகாரிகளும் 54 கைதிகளும் தற்போது மருத்துவமனையில் சிகிச்சை பெற்று வருகின்றனர். இந்தக் கலவரத்தின் போது சிறைச்சாலையில் இருந்த சிசிடிவி கருவிகளும், உடல் ஸ்கேனரும் முற்றிலுமாக அழிக்கப்பட்டன.
நீர்கொழும்பு சிறைச்சாலையில் நடந்த வன்முறை மோதலில் ஈடுபட்ட கைதிகளின் பிரதான நோக்கம் சிறை நடவடிக்கைகளை சீர்குலைப்பதாகத் தெரிகிறது.
வன்முறைக்கு மையமாக இருந்ததாக அடையாளம் காணப்பட்ட கைதிகள் குழு ஒன்று அகுனுகொலப்பலெஸ்ஸா ,வெலிக்கடை ஆகிய சிறைகளுக்கு மாற்றப்பட்டன.
தற்போது நிலைமை ஓரளவிற்கு கட்டுப்பாட்டிற்குள் கொண்டுவரப்பட்டுள்ளது. இந்தச் சம்பவத்தால் அரசாங்கம் ஆழ்ந்த அதிர்ச்சி அடைந்துள்ளது என அவர் தெரிவித்தார்.
நீர்கொழும்பு சிறையில் நடந்த வன்முறை மோதல் குறித்து அமைச்சர் ஹர்ஷனா நனயக்கார ஆழ்ந்த அதிர்ச்சியையும் துக்கத்தையும் வெளிப்படுத்தினார். மேலும், தனது அதிகார வரம்பிற்குட்பட்ட ஒரு நிறுவனத்திற்குள் இச்சம்பவம் நிகழ்ந்ததால், அதற்கான பொறுப்பை ஏற்றுக்கொள்வதாகவும் அவர் கூறினார்.
