Tuesday, January 6, 2026 10:33 am
இலங்கை பெற்றோலியக் கூட்டுத்தாபனம் எரிபொருட்களின் சில்லறை விலைகளை நடைமுறைக்கு வரும் வகையில் திருத்தியமைத்துள்ளது.
இந்த விலை மாற்றத்தின்படி, லங்கா பெட்ரோல் 92 ஒக்டேன் தவிர்ந்த ஏனைய அனைத்து எரிபொருட்களின் விலைகளும் அதிகரிக்கப்பட்டுள்ளன.
இதன்படி, ஒட்டோ டீசல் 2 ரூபாயால் அதிகரிக்கப்பட்டு அதன் புதிய விலையாக 279 நிர்ணயிக்கப்பட்டுள்ளது.
ஒக்டேன் 95 ரக பெற்றோல் லீற்றர் ஒன்றின் விலை 5 ரூபாயால் அதிகரிக்கப்பட்டு அதன் புதிய விலையாக 340 ரூபாய் நிர்ணயிக்கப்பட்டுள்ளது.
அத்துடன் மண்ணெண்ணெய் லீற்றர் ஒன்றின் விலை 2 ரூபாயால் அதிகரிக்கப்பட்டு அதன் புதிய விலையாக 182 ரூபாய் நிர்ணயிக்கப்பட்டுள்ளது.
மேலும், சூப்பர் டீசல் லீற்றர் ஒன்றின் விலை 5 ரூபாயால் அதிகரிக்கப்பட்டு அதன் புதிய விலையாக 323 ரூபாய் நிர்ணயிக்கப்பட்டுள்ளது.
உலகச் சந்தை விலைத்திருத்தத்தின் அடிப்படையில் இந்த விலைத்திருத்தம் மேற்கொள்ளப்பட்டுள்ளதாக அந்த கூட்டுத்தாபனம் தெரிவித்துள்ளது.
