Sunday, November 30, 2025 11:57 am
கொழும்பின் புறகர் பகுதியான கம்பஹா களனி ஆற்றின் நீர்மட்டம் தற்போது அதிகரித்துள்ளது. இதனால் கொழும்பில் தாழ்வான பிரதேசங்களில் வாழும் மக்களை பாதுகாப்பான இடங்களுக்கு செல்லுமாறு கொழும்பு மாவட்ட செயலாளர் பிரசன்ன கினிகே அறிவித்துள்ளார்.
கடுவெல – மாலபே வீதி, அத்துருகிரிய – மாலபே வீதி, மாலபே முதல் பத்தரமுல்லை வரையிலான வீதிகளில் வசிக்கும் மக்கள் மாலபே ஆண்கள் கல்லூரிக்கு அல்லது பிட்டுகல யசோதரா மகா வித்தியாலயத்திற்குச் செல்லுமாறு அறிவுறுத்தப்பட்டுள்ளது.
ஹன்வெல்ல களனி ஆற்றின் அளவீட்டு மையம் விடுத்துள்ள எச்சரிக்கையின் பிராகரம் கொழும்பு மாவட்ட அரச அதிபர் இந்த அறிவறுத்தலை விடுத்துள்ளார்.
அரச மற்றும் தனியார் இலத்திரனியல் ஊடகங்கள் இந்த அறிவிப்பை வெளியிட்டுக் கொண்டிருக்கின்றன. வெளியேறும் மக்களுககு உரிய பாதுகாப்பு ஏற்பாடுகள் மற்றும் உணவு குடிநீர் வசதிகள் உள்ளிட்ட அனைத்தும் வழங்கப்படும் எனவும், அதற்குரிய நடவடிக்கைகள் எடுக்கப்பட்டுள்ளது எனவும் தெரிவிக்கப்பட்டுள்ளது.
