Sunday, November 30, 2025 8:36 am
இலங்கைத்தீவில் ஏற்பட்ட டித்வா புயல் காரணமாக 25 மாவட்டங்களிலும் இரண்டு இலட்சத்து 17 ஆயிரத்து 263 குடும்பங்களைச் சேர்ந்த எழு இலட்சத்து 74 ஆயிரத்து 724 பேர் பாதிக்கப்பட்டுள்ளதாக அனர்த்த முகாமைத்துவ நிலையம் இன்று சனிக்கிழமை மாலை அறிவித்துள்ளது.
153 பேர் உயிரிழந்துள்ளனர் என்றும், 191 பேர் காணாமல் போயுள்ளதாகவும் அனர்த்த முகாமைத்துவ மத்திய நிலையத்தின் செய்திக் குறிப்பில் தெரிவிக்கப்பட்டுள்ளது.
27 ஆயிரத்து 494 குடும்பங்களைச் சேர்ந்த ஒரு இலட்சத்து 898 பேர் தற்போது இலங்கை முழவதிலும் அமைக்கப்பட்டுள்ள 798 பாதுகாப்பு முகாம்களில் தங்க வைக்கப்பட்டுள்ளனர்.
முல்லைத்தீவு வவுனியா உள்ளிட்ட மாவட்டங்களில் தற்போது வெள்ள நிலைமை ஓரளவு சீரடைந்து வருவதாகவும், இதனால் இடம்பெயர்ந்திருந்த மக்கள் சிலர் மீண்டும் தங்கள் இருப்பிடம் நோககிச் சென்றுள்ளனர் எனவும் தெரிவிக்கப்பட்டுள்ளது.
ஆனாலும், வேறு பல மாவட்டங்களில் இன்னமும் பாதுகாப்பற்ற தன்மை நிலவுவதாகவும், அதிகாரிகள் பணியில் ஈடுபடுத்தப்பட்டுள்ளனர் என்றும் கூறப்பட்டுள்ளது.
