Saturday, November 29, 2025 11:04 pm
யாழ்ப்பாணம், கிளிநொச்சி, முல்லைத்தீவு, மன்னர், மற்றும் வவுனியா ஆகிய ஐந்து மாவட்டங்களிலும் ஏற்பட்டுள்ள பாதிப்புகள் தொடர்பாகவும் மக்களுக்குத் தேவையான உதவிகள் பற்றிய தகவல்களும் கொழும்பு அரச நிர்வாகத்துக்கு உரிய முறையில் அறிவிக்கப்படவில்லையா என்ற கேள்விகளை மக்கள் எழுப்புகின்றனர்.
முல்லைத்தீவு மாவட்டத்தின் சில கிராமங்கள் நீரில் ழுழ்கியுள்ளன. மின்சாரம் துண்டிக்கப்பட்டுள்ளன. தொலைத் தொடர்பு வசதிகளும் துண்டிக்கப்பட்டுள்ளன. தொடர்புகள் இல்லாத நிலையில் பலர் தவிப்பதாக அங்குள்ள சிலர் கவலை வெளியிட்டுள்ளனர்.
முல்லைத்தீவு நிலைவரம் தொர்பாக சட்டத்தரணி வீ.என். எஸ் தனஞ்செயன் சமூக ஊடகத்தில் பதிவு ஒன்றை வெளியிட்டுள்ளார். அவசர உதவியும் கோரியுள்ளார்.
அதேநேரம் துண்டிக்கக்கட்ட சில கிராமங்களுடன் மீளத் தொடர்புகள் ஏற்படுத்துள்ளது என்றும், நீரில் சிக்கிய பல குடும்பங்கள் காப்பாற்றப்பட்டுள்ளதாகவும் பிரந்திய செய்தியாளர்கள் கூறுகின்றனர்.
வவுனியாவில் பாதிக்கப்பட்ட மக்களுக்கு சமய அமைப்புகள், இளைஞர் கழகங்கள் சமைத்த உணவுகளை வழங்கி வருகின்றனர். கிளிநொச்சியில் பாதிக்கப்பட்ட மக்களுக்கு பிரதேச மக்கள் தம்மால் இயன்ற உதவிகளை செய்துள்ளதாக அங்குள்ள செய்தியாளர்கள் தெரிவிக்கின்றனர். வவுனியாவில் ஆயிரத்துக்கும் அதிகமான குடும்பங்கள் பாதிக்கப்பட்டுள்ளன.
மன்னார் மாவட்டத்தில் கரையோர கிராமங்களில் வாழும் மக்கள் இடம்பெயர்ந்து முகாம்களில் தங்கியுள்ளனர். மன்னார், மாந்தை மேற்கு பிரதேசத்தில் கூராய் பிரதேச செயலகப் பிரிவில் 40 பேர் வெள்ள நீரில் சிக்கியுள்ளதாக செய்தியாளர்கள் தெரிவித்துள்ளனர்.
குறித்த பகுதியில் 53 குடும்பங்கள் வாழ்ந்து வரும் நிலையில் 40 பேர் இவ்வாறு வெள்ள நீரால் பாதிப்படைந்துள்ளனர்.
அதேவேளை, யாழ்ப்பாணத்தில் சில வீதிகள் நீரில் ழுழ்கியுள்ளன. கரையோர பிரதேச மக்கள் இடம்பெயந்துள்ளனர். சுமார் ஆயிரத்து 900 குடும்பங்கள் பாதிக்கப்பட்டுள்ளதாக யாழ் அரச அதிபர் கூறியுள்ளார்.
யாழ்ப்பாணத்தில் அமைச்சர் சந்திரசேகரன் சில இடங்களை சென்று பார்வையிட்டுள்ளார். ஆனாலும் போதிய உதவிகள், மீட்பு பணிகள் இடம்பெறவில்லை என மக்கள் ஆதங்கம் வெளியிட்டுள்ளனர்.
அதேவேளை கொழும்பை மையமாகக் கொண்ட சிங்கள ஆங்கில ஊடகங்களில் வடக்கு கிழக்கு மாகாணத்தில் ஏற்பட்ட வெள்ள அனர்த்தம் பற்றிய செய்திகளுக்கு முக்கியத்துவம் கொடுக்கவில்லை.
கொழும்பிலும் புறகர் பகுதிகளிலும் மற்றும் மத்திய, வடமத்திய மாகாணங்களில் அதிகளவு பாதிப்புகள் ஏற்பட்டுள்ளன. உயிரிழப்புகளும் அதிகமாகவுள்ளன. அந்த செய்திகளுக்கு மாத்திரமே முக்கியத்துவம் கொடுக்கப்படுகின்றது.
அதேவேளை மலையகப் பிரதேசங்களில் ஏற்பட்டுள்ள மண்சரிவுகளில் மலையத் தமிழர்கள் அதிகமாக பதிக்கப்பட்டுள்ளனர். அது பற்றிய செய்திகளும் சிங்கள, ஆங்கில ஊடகங்களில் முக்கியத்துவம் கொடுக்கப்படவில்லை.
இதேவேளை, இந்திய அரசாங்கம் வடமாகாணத்துக்கு அவசர உதவி வழங்க வேண்டும் என நாடாளுமன்ற உறுப்பினர் கஜேந்திரகுமார் பொன்னம்பலம் கோரிக்கை விடுத்துள்ளார்.
