Saturday, November 29, 2025 2:10 pm
இலங்கைத்தீவில் டித்வா புயல் காரணமாக ஏற்பட்ட அனர்த்தங்களில் பாதிக்கப்பட்ட மக்களுக்கு அவசர நிவாரணங்களுக்காக அமெரிக்கா 02 மில்லியன் டொலர்களை வழங்கியுள்ளது.
இலங்கை மக்களுக்கு ஏற்பட்ட பாதிப்புகளை தாம் அறிந்துள்ளதாகவும், மழை வெள்ளம் காரணமாக மக்கள் இன்னல்களை எதிர்கொள்வது பெரும் கவலை எனவும் கொழும்பில் உள்ள இலங்கைக்கான அமெரிக்க தூதுவர் ஜூலி சங் தெரிவித்துள்ளார்.
இலங்கைக்கு அமெரிக்கா தொடர்ந்து உதவி வழங்கும் எனவும் இது ஆரம்ப உதவி எனவும் தூதுவர் விளக்கிக் கூறினார்.
இதேவேளை, இயற்கை அனர்த்தங்களால் பாதிக்கப்பட்டுள்ள இலங்கை மக்களுக்கு, மாலைதீவு அரசாங்கம் 50 ஆயிரம் அமெரிக்க டொலர்களை வழங்கவுள்ளதாக அறிவித்துள்ளது.
நிதி உதவி மற்றும் 25,000 ஆயிரம் டுனா மீன் ரின்கள் நன்கொடை மூலம் நிவாரணம் வழங்க மாலைதீவு அரசாங்கம் முன்வந்துள்ளது. இது பற்றி இலங்கை வெளியுறவு அமைச்சுக்கு அறிவிக்கப்பட்டுள்ளது.
