Saturday, November 29, 2025 8:13 am
வடக்கு கிழக்கு உள்ளிட்ட இலங்கைத்தீவில் டித்வா’ புயல் தாக்கி இதுவரை 69 பேர் பேர் உயிரிழந்துள்ளனர். 34 பேர் காணாமல் போயுள்ளதாகவும் அனர்த்த முகாமைத்துவ நிலையம் இன்று வெள்ளிக்கிழமை இரவு அறிவித்துள்ளது.
61,175 குடும்பங்களைச் சேர்ந்த மொத்தம் 219,282 பேர் பாதிக்கப்பட்டுள்ளனர். இலங்கை முழுவதும் 266 தற்காலிக முகாம்கள் நிறுவப்பட்டுள்ளன. 5,890 குடும்பங்களைச் சேர்ந்த 18,443 பேர் அந்த முகாம்களில் தங்கவைக்கப்பட்டுள்ளதாகவும் கூறப்பட்டுள்ளது.
களனி, களு ஆறு, யான் ஓயா, மகாவலி , தெதுரு ஓயா, மஹா ஓயா, கலா ஓயா, அத்தங்கலு ஓயா, மாணிக்க கங்கை ஆறு மல்வத்து ஓயா உட்பட பல முக்கிய ஆறுகளுக்கு வெள்ள அபாய எச்சரிக்கை விடுக்கப்பட்டுள்ளது. இதனால் கொழும்பிலும் அதன் புறகர் பகுதிகளிலும் தாழ்ந்த பகுதிகளில் வாழும் மக்கள் பாதுகாப்பான இடத்துக்குச் சென்றுள்ளனர்.
கிளிநொச்சி இரணைமடுக்குளத்தின் நான்கு கதவுகளும் இன்று மாலை திறக்கப்பட்டுள்ளன. இதேவெளை கொழும்பில் இருந்து யாழ்ப்பாணம் உள்ளிட்ட தூர பிரதேசங்களுக்கான அனைத்து போக்குவரத்துகளும் மறு அறிவித்தல் வரை இடை நிறுத்தப்பட்டுள்ளன.
அதேவேளை, மாத்தளை – மொரகஹகந்த லக்கல பாலமும் இடிந்து விழுந்துள்ளது., முச்சக்கர வண்டிகள், பேருந்துகள் மற்றும் உள்ளிட்ட வாகனங்களும் வெள்ளத்தில் அடித்துச் செல்லப்பட்டுள்ளதாக பொலிஸார் தெரிவித்தனர்.
வெள்ளப் பெருக்கு, மண் சரிவு ஏற்பட்ட இடங்களில் முப்படையினரும் மீட்பு பணிகளில் ஈடுபடுத்தப்பட்டுள்ளன. இதேவேளை கொழும்பில் கடும் குளிர்காற்று விசுவதாகவும் பொது மக்களை வெளியே செல்ல வேண்டாம் என்றும் அனர்த்த முகாமைத்துவ நிலையம் அறிவுறுத்தியுள்ளது.
கொழும்பில் இன்று அரச தனியார் நிறுவனங்கள் எதுவும் இயங்கவில்லை.
