இலங்கையின் ஜனாதிபதி அனுர குமார திசாநாயக்கவின் பிறந்த நாள் இன்று.

Monday, November 24, 2025 1:41 pm

இலங்கை தீவின் 9வது நிறைவேற்று அதிகாரம் கொண்ட ஜனாதிபதி அனுர குமார திசாநாயக்கவின் பிறந்த நாள் இன்றாகும்.

இன்று நவம்பர் 24 ஆம் திகதி தனது 57 வது பிறந்தநாளை ஜனாதிபதி கொண்டாடுகிறார்.

1968ம் ஆண்டு நவம்பர் மாதம் 24ம் திகதி பிறந்த அவர், தனது ஆரம்ப கல்வியை தம்புத்தேகம ஆரம்ப பாடசாலையிலும் பின்னர் தம்புத்தேகம மத்திய மகா வித்தியாலயத்திலும் கற்றார்.

1987ம் ஆண்டு முற்போக்கு மாணவர் சங்கத்தின் செயற்பாட்டாளராக மாறிய அவர் மக்கள் விடுதலை முன்னணியை பிரதிநிதித்துவப்படுத்தி நாட்டின் இடதுசாரி அரசியலை முன்னோக்கிச் கொண்டு செல்ல பங்களிப்பு வழங்கினார்.

கடந்த ஆண்டு செப்டம்பர் மாதம் 21ம் திகதி இடம்பெற்ற ஜனாதிபதி தேர்தலில் வெற்றி பெற்று இலங்கையின் 9 வது நிறைவேற்று அதிகாரம்மிக்க ஜனாதிபதியாக பதவியேற்றார்.