Monday, November 24, 2025 12:28 pm
ஆப்பிரிக்க நாடான நைஜீரியாவின் நைஜர் மாகாணத்தில் உள்ள கத்தோலிக்க பாடசாலை ஒன்றில் துப்பாக்கிகளுடன் நுழைந்த ஆயுத கும்பல் 12ஆசிரியர்கள் உட்பட 315 மாணவர்களைக் கடத்தி சென்றனர்.
பாடசாலையில் இருந்து கடத்தப்பட்ட மாணவர்களில் 50 பேர் தப்பித்து தங்கள் குடும்பங்களுடன் இருப்பதாக பாடசாலை நிர்வாகம் தெரிவித்துள்ளது.
நைஜீரியாவில் ஆயுதக் குழுவினா் மற்றும் பயங்கரவாதிகளால் மாணவ, மாணவிகள் பிணைத் தொகைக்காக கடத்திச் செல்லப்படும் சம்பவங்கள் தொடா்ந்து நடைபெற்று வருகின்றன.
கடந்த 17 ஆம் திகதி கெபி மாகாணத்தில் உள்ள பாடசாலை ஒன்றில் நுழைந்த அடையாளம் தெரியாத நபர்கள் 25 மாணவிகளை கடத்திச் சென்றனர். இந்த சம்பவத்தை அடுத்து பாதுகாப்பு கருதி விடுதியுடன் கூடிய பாடசாலைகளை தற்காலிகமாக மூட அரசாங்கம் உத்தரவிட்டது.
அரசாங்கத்தின் உத்தரவை மீறிப் பாடசாலைகள் செயற்பட்டதே இந்த கடத்தல் சம்பவத்துக்கு காரணம் எனக் கூறப்படுகிறது.
மேற்கு ஆப்பிரிக்க நாடுகளில் கிறிஸ்தவர்களைக் குறிவைத்து தாக்குதல் நடைபெறுவதாக அமெரிக்க ஜனாதிபதி ட்ரம்ப் குற்றம் சாட்டி இருந்தார். இந்த சூழலில் அடுத்தடுத்து மாணவர்கள் கடத்தப்படுவது அங்கு பெரும் பரபரப்பை ஏற்படுத்தி உள்ளது.
