தபால் சேவை தொழிற்சங்கங்கள் வேலைநிறுத்தம்

ஏழு முக்கிய பிரச்சினைகளுக்கு தீர்வு காணக் கோரி தபால், தொலைத்தொடர்பு அதிகாரிகள் சங்கம் , ஐக்கிய அஞ்சல் தொழிற்சங்க முன்னணி ஆகியன நேற்று ஞாயிற்றுக்கிழமை மாலை 4 மணிக்கு 48 மணி நேர வேலைநிறுத்தத்தைத் தொடங்கின.
தபால் துறையில் காலியிடங்களை நிரப்புதல், தபால் சேவைகள் அரசியலமைப்பை செயல்படுத்துதல் , முறையான கூடுதல் நேர (OT) கொடுப்பனவுகளை உறுதி செய்தல் ஆகியவை இதில் அடங்கும்.
ஊடகங்களுக்குப் பேசிய தபால் சேவை ஒருங்கிணைப்பாளர் சிந்தக பண்டார, இரண்டு சந்தர்ப்பங்களில் குறைந்த எண்ணிக்கையிலான ஆட்சேர்ப்புகளைத் தவிர, அஞ்சல் துறையின் காலியிடங்களை நிரப்ப முறையான பணியமர்த்தல் எதுவும் நடைபெறவில்லை என்று கூறினார். “தற்போது, ​​அஞ்சல் துறையில் ஜூனியர் ஊழியர்கள் உட்பட சுமார் 7,500 காலியிடங்கள் உள்ளன. அடிப்படை சேவைகளை கூட பராமரிப்பது கடினம். சில பகுதிகளில், ஊழியர்கள் பற்றாக்குறை காரணமாக கடிதங்கள் இரண்டு நாட்களுக்கு ஒரு முறை மட்டுமே வழங்கப்படுகின்றன.” “மார்ச் 17 , 18 ஆகிய திக‌திகளில் வேலைநிறுத்தம் தொடரும். வேலைநிறுத்தத்திற்குப் பிறகும் எங்கள் பிரச்சினைகளுக்கு நியாயமான தீர்வு வழங்கப்படாவிட்டால், எங்கள் தொழிற்சங்க நடவடிக்கையை தீவிரப்படுத்த வேண்டிய கட்டாயம் ஏற்படும் ” என்றார்.