Friday, January 23, 2026 6:13 am
டென்மார்க் அல்லது கிரீன்லாந்து சார்பாக பேச்சுவார்த்தை நடத்த நேட்டோ பொதுச் செயலாளர் மார்க் ரூட்டேவுக்கு அதிகாரம் இல்லை என்று டேனிஷ் பிரதமர் மெட்டே ஃபிரடெரிக்சன் வியாழக்கிழமை தெரிவித்தார்.
அமெரிக்க ஜனாதிபதி டொனால்ட் ட்ரம்ப் புதன்கிழமை ரூட்டேவுடனான தனது சந்திப்பு கிரீன்லாந்து மற்றும் பரந்த ஆர்க்டிக் பிராந்தியம் தொடர்பான “எதிர்கால ஒப்பந்தத்திற்கான கட்டமைப்பை” உருவாக்கியதாகக் கூறியதைத் தொடர்ந்து இந்த அறிக்கை வெளியிடப்பட்டது.
கிரீன்லாந்து எதிர்கொள்ளும் சவால்களை எதிர்கொள்ள டென்மார்க் ரூட்டே உட்பட பல கூட்டாளர்களுடன் ஒருங்கிணைந்திருந்தாலும், டென்மார்க் அல்லது கிரீன்லாந்தின் சார்பாக பேச்சுவார்த்தை நடத்த ரூட்டேவுக்கு அதிகாரம் இல்லை என்று ஃபிரடெரிக்சன் டேனிஷ் ஊடகங்களுக்கு தெரிவித்தார்.
டென்மார்க் , கிரீன்லாது ஆகியவற்ற்றின் இறையாண்மையை மதிக்கும் ஒரு பாதையைக் கண்டுபிடிப்பதே இதன் நோக்கம்” என்று அவர் மேலும் கூறினார்.
நேட்டோ தனது சொந்த ஆர்க்டிக் நடவடிக்கைகள் தொடர்பான விஷயங்களை நேட்டோ சார்பாக மட்டுமே பேச்சுவார்த்தை நடத்த முடியும் என்று ஃபிரடெரிக்சன் கூறினார். ஆர்க்டிக் நாடுகள் ஒத்துழைப்பை வலுப்படுத்தி, பிராந்தியத்தில் நீண்டகால இருப்பைப் பராமரிக்க வேண்டும் என்று அனைத்து தரப்பினரும் ஒப்புக்கொண்டதாக அவர் மேலும் கூறினார்.
கிரீன்லாந்தின் எதிர்காலத்தை கிரீன்லாந்துதான் தீர்மானிக்க வேண்டும் என்றும், இறையாண்மை பேச்சுவார்த்தைக்கு உட்பட்டது அல்ல என்றும் கூறி, டென்மார்க்கின் சிவப்பு கோடுகளையும் ஃபிரடெரிக்சன் மீண்டும் உறுதிப்படுத்தினார்.
