Monday, October 26, 2026 5:01 pm
மூன்று பிரதான பௌத்த பீடங்களின் மகாநாயக்க தேரர்களின் தலையீட்டின் ஊடாக இந்தப் பிரச்சினையைத் தீர்க்குமாறு அரசாங்கத்தை ஐக்கிய தேசியக் கட்சி கேட்டுள்ளது.
அக்டோபர் 26 அன்று வெளியிடப்பட்ட அறிக்கையில், குறித்த தேரரை விடுதலை செய்யக் கோரி முன்னெடுக்கப்பட்ட சத்தியாக்கிரகப் போராட்டம், மகாநாயக்க தேரர்களின் அறிவுறுத்தலுக்கு அமைய தற்காலிகமாக இடைநிறுத்தப்பட்டுள்ளதாக ஐக்கிய தேசியக் கட்சி குறிப்பிட்டுள்ளது.
நீதிமன்ற அவமதிப்பு குற்றத்திற்காக விதிக்கப்படக்கூடிய அதிகபட்ச சிறைத்தண்டனை 18 மாதங்கள் மட்டுமே என முன்னாள் பிரதம நீதியரசர் சரத் என். சில்வா சுட்டிக்காட்டியுள்ளதை மேற்கோள் காட்டியுள்ள அக்கட்சி, வென. ஞானசார தேரர் ஏற்கனவே இக்குற்றத்திற்காக 10 மாதங்களுக்கும் மேலாக சிறைத்தண்டனையை அனுபவித்துவிட்டதாகத் தெரிவித்துள்ளது.
முன்னதாக மகாநாயக்க தேரர்களின் கோரிக்கைக்கு அமைய, அவருக்கு ஜனாதிபதி பொதுமன்னிப்பு வழங்கப்பட்டிருந்ததையும் ஐக்கிய தேசியக் கட்சி நினைவுபடுத்தியுள்ளது.
அத்துடன், வென. ஞானசார தேரருக்கு மீண்டும் ஒருமுறை ஜனாதிபதி பொதுமன்னிப்பு வழங்குவது குறித்து பரிசீலிக்கப்படலாம் என்று உயர் நீதிமன்றம் தனது தீர்ப்பில் குறிப்பிட்டிருந்ததாகவும் அக்கட்சி தெரிவித்துள்ளது.
