Sunday, November 30, 2025 5:44 pm
பதுளை வெலிமடை பிரதேசத்தில் இடம்பெற்ற மண்சரிவில் ஒரே குடும்பத்தை சேர்ந்த ஐந்து பேர் உட்பட ஏழு பேர் உயிரிழந்துள்ளனர். பொரகஸ் சந்தியில் ரேந்தபொல அம்பேவலை வீதியில் நேற்று சனிக்கிழமை இரவு 10.45 இற்கு திடீர் மண்சரிவு ஏற்பட்டது.
பிரதேசத்தில் இருந்து பல வீடுகள் மண்சரிவுக்கு புதைந்துள்ள நிலையில், ஒரே குடும்பத்தை சேர்ந்த ஐந்து பேர் உயிரிழந்தாக பொலிஸார் தெரிவித்தனர்.
இப் பிரதேசத்தில் இன்று ஞாயிற்றுககிழமை விசேட அதிரடிப்படையினரும் இராணுவத்தினரும் இணைந்து மீட்புப் பணிகளில் ஈடுபட்டனர். இதன்போது ஒரே குடும்பத்தை சேர்ந்த ஐவரின் சடலங்கள் மீட்கப்பட்டன.
அதேநேரம், வர்த்தக நிலையம் ஒன்றில் புதையுன்டிருந்த இரண்டு பேரின் சடலங்களும் மீட்கப்பட்டது. மொத்தமாக ஏழு பேரின் சடலங்கள் மீட்கப்பட்டுள்ளன.
ஏனையவர்களின் சடலங்களை கண்டுபிடிக்க முடியவில்லை. அவை மண்ணுக்குள் புதைத்திருக்கலாம் என சந்தேகிக்கப்படுகின்றது. மீட்கப்பட்டவர்களின் சடலங்கள் வைத்தியசாலையின் சவச்சாலையில் வைக்கப்பட்டுள்ளன.
