சுங்க அனுமதியிலிருந்து விடுவிக்கப்பட்ட படிக மெத்தம்பேட்டமைன் (ICE) உற்பத்தியில் பயன்படுத்தப்பட்டதாகக் கூறப்படும் இரசாயனங்கள் அடங்கிய இரண்டு கொள்கலன்கள் குறித்து அறிக்கை கோரப்பட்டுள்ளதாக இலங்கை சுங்க இயக்குநர் ஜெனரல் சீவலி அருக்கோட தெரிவித்தார்.
யார் கொள்கலன்களை இறக்குமதி செய்தனர், பின்பற்றப்பட்ட செயல்முறைகள் போன்ற விவரங்களை சரிபார்க்க ஒரு அறிக்கை கோரப்பட்டுள்ளதாக சீவலி அருகோட தெரிவித்தார்.
இது தொடர்பான அறிக்கை கிடைத்தவுடன் ஊடகங்களுக்கு விளக்கமளிக்கப்படும் என்றும் அவர் மேலும் கூறினார்.
இதற்கிடையில், சுங்கத்திலிருந்து கொள்கலன்கள் விடுவிக்கப்பட்டது குறித்து குற்றப் புலனாய்வுத் துறை (சிஐடி) தனி விசாரணையைத் தொடங்கியுள்ளதாக பொலிஸ் செய்தித் தொடர்பாளர் ஏஎஸ்பி எஃப்யூ வூட்லர் நியூஸ்வயரிடம் தெரிவித்தார்.ஐஜிபி பிரியந்த வீரசூரியவின் உத்தரவின் அடிப்படையில் விசாரணை தொடங்கப்பட்டுள்ளதாக ஏஎஸ்பி வூட்லர் தெரிவித்தார்.
பொலிஸ் வட்டாரங்களின்படி, ஐஸ் போதைப்பொருள் உற்பத்தியில் பயன்படுத்தப்படும் ரசாயனங்கள் அடங்கியதாகக் கூறப்படும் கொள்கலன்கள், ஜனவரி 27 அன்று கொழும்பு துறைமுகத்திலிருந்து விடுவிக்கப்பட்டன.விசாரணைகளில், ஜனவரி 29 ஆம் திகதி இந்தக் கொள்கலன்கள் மித்தேனியாவுக்குக் கொண்டு செல்லப்பட்டதாகத் தெரியவந்துள்ளது.
ஆரம்பத்தில், மித்தேனியாவில் புதைக்கப்பட்ட இடத்திலிருந்து மெத் உற்பத்தியில் பயன்படுத்தப்பட்டதாகக் கூறப்படும் சுமார் 50,000 கிலோகிராம் இரசாயனங்கள் கண்டுபிடிக்கப்பட்டன. பின்னர் நெடோல்பிட்டியவிலும் இதேபோன்ற இரசாயனங்கள் குவிந்து கிடந்தது கண்டுபிடிக்கப்பட்டது.அதன்பிறகு, கடனா பகுதியில் உள்ள ஒரு வீடு ,அருகிலுள்ள விவசாய நிலத்தில் 100 கிலோகிராம் அளவுக்கு சந்தேகிக்கப்படும் இரசாயன பொருட்கள் கண்டுபிடிக்கப்பட்டன.
இந்தோனேசியாவில் கைது செய்யப்பட்டு சமீபத்தில் இலங்கைக்கு அழைத்து வரப்பட்ட பாதாள உலகக் குழுத் தலைவர் பாணந்துறை நிலங்காவின் இரண்டு நெருங்கிய கூட்டாளிகளிடமிருந்து பெறப்பட்ட தகவல்களின் அடிப்படையில், இரசாயனப் பொருட்கள் கண்டுபிடிக்கப்பட்டதாக பொலிஸார் தெரிவித்துள்ளனர்.
