“ரெயின்போ ஏஜென்சி” என்ற வெளிநாட்டு வேலைவாய்ப்பு நிறுவனம் வெளிநாட்டு வேலை தேடுபவர்களிடமிருந்து 460 மில்லியன்ரூபா மோசடி செய்ததாகவும், அந்த நிறுவனம் மீது 400க்கும் மேற்பட்ட புகார்கள் பதிவு செய்யப்பட்டுள்ளதாகவும் வெளிநாட்டு விவகாரங்கள் மற்றும் வெளிநாட்டு வேலைவாய்ப்பு துணை அமைச்சர் அருண் ஹேமச்சந்திர, பாராளுமன்றத்தில் தெரிவித்தார்.
இந்த வழக்கு இலங்கை வெளிநாட்டு வேலைவாய்ப்பு பணியகம் (SLBFE), குற்றப் புலனாய்வுத் துறை (CID) மற்றும் காவல்துறையினரால் விசாரிக்கப்படுகிறது. நிறுவனத்தின் உரிமையாளருக்கு எதிராக பதினொரு கைது வாரண்டுகள் பிறப்பிக்கப்பட்டன.
