நாடு தழுவிய அளவில் ஊட்டச்சத்து மருந்துகளின் தொடர்ச்சியான உற்பத்தி,விநியோகம் என்பனவற்றை உறுதி செய்வதற்காக இலங்கை திரிபோஷ நிறுவனம், 24 மணி நேரமும் செயல்பட்டு வருவதாக, சுகாதார மற்றும் வெகுஜன ஊடக அமைச்சர் டாக்டர் நளிந்த ஜயதிஸ்ஸ, கந்தானையில் உள்ள தொழிற்சாலைக்கு ஆய்வு விஜயம் செய்த பின்னர் உறுதிப்படுத்தினார்.
நாடு முழுவதும் திரிபோஷா பொருட்களை வழங்குவதற்காக தற்போது நடைமுறையில் உள்ள 24 மணி நேர உற்பத்தி சுழற்சியை அமைச்சர் ஆய்வு செய்தார். பரந்த புத்துயிர் மூலோபாயத்தின் ஒரு பகுதியாக, வரும் மாதங்களில் நாடு முழுவதும் 100 திரிபோஷா சில்லறை விற்பனை நிலையங்களைத் திறக்கவும் அரசாங்கம் திட்டமிட்டுள்ளது.
இந்த விஜயத்தின் போது, டாக்டர் ஜெயதிஸ்ஸ, புதிய தலைவர் அமல் அத்தநாயக்க உட்பட நிறுவனத் தலைவர்களைச் சந்தித்து, சவால்கள் , எதிர்காலத் திட்டங்கள் குறித்து விரிவான கலந்துரையாடல்களில் ஈடுபட்டார். மூலப்பொருள் வழங்கல், போக்குவரத்து தளவாடங்கள், பணியாளர் நிலைத்தன்மை, நிதி செயல்திறன் மற்றும் தயாரிப்பு வரிசைகளின் விரிவாக்கம் மற்றும் சந்தைப்படுத்தல் முயற்சிகள் ஆகியவை தலைப்புகளில் அடங்கும்.
தற்போது பதுளை, நுவரெலியா, மாத்தளை, கேகாலை, களுத்துறை, கிளிநொச்சி, கொழும்பு, கம்பஹா, புத்தளம் போன்ற மாவட்டங்களுக்கு ரயில், லொறி போக்குவரத்து மூலம் விநியோகிக்கப்படுவதாக அதிகாரிகள் தெரிவித்தனர். மூன்று வயதுக்குட்பட்ட குழந்தைகள், கர்ப்பிணித் தாய்மார்கள் ,பாலூட்டும் பெண்கள் போன்ற பாதிக்கப்படக்கூடிய குழுக்களுக்கும் சுகாதார அமைச்சின் வாகனங்கள் மூலம் நேரடி விநியோகம் மூலம் சிறப்பு கவனம் செலுத்தப்படுகிறது.
சமீபத்திய மாதங்களில் நிறுவனம் மூடப்படும் நிலையில் இருப்பதாக எழுந்த கவலைகளுக்கு மத்தியில், கடந்த ஒன்பது மாதங்களாக அரசாங்கம் செயல்பாடுகளை உறுதிப்படுத்த தீர்க்கமான நடவடிக்கைகளை எடுத்துள்ளதாக டாக்டர் ஜெயதிஸ்ஸ கூறினார். அரசியல் எதிரிகள் நிறுவனத்தின் எதிர்காலம் குறித்த ஊகங்களை அதிகரித்துள்ளனர், ஆனால் மறுமலர்ச்சி முயற்சிகள் இப்போது திரிபோஷாவை லாபம் ஈட்டும் பொது நிறுவனமாக மாற்றியுள்ளன என்று அவர் தெரிவித்தார்.
