வீழ்ச்சியடைந்தது பங்குச்சந்தை

கொழும்பு பங்குச் சந்தையின் இந்த வாரத்தின் தொடக்க வர்த்தக நாளான இன்று திங்கட்கிழமை (10) அனைத்துப் பங்கு விலைச் சுட்டெண்ணில் குறிப்பிடத்தக்க சரிவு ஏற்பட்டுள்ளது.
அனைத்து பங்கு விலைச் சுட்டெண் 168.41 புள்ளிகள் குறைந்து 16,566.27 புள்ளிகளாகவும், S&P SL20 சுட்டெண் 32.69 புள்ளிகள் குறைந்து 4,959.45 புள்ளிகளாகவும் பதிவாகியுள்ளன.
அனைத்து பங்கு விலைச் சுட்டெண்ணில் ஏற்பட்ட சரிவுக்கு, செலிங்கோ ஹோல்டிங்ஸ் பிஎல்சியின் பங்கு விலையில் ஏற்பட்ட 5.98% சரிவு மற்றும் LOLC ஹோல்டிங்ஸ், ஜோன் கீல்ஸ் ஹோல்டிங்ஸ், DFCC வங்கி மற்றும் எய்டிகன் ஸ்பென்ஸ் ஆகியவற்றின் பங்கு விலைகளில் ஏற்பட்ட சரிவு ஆகியவை முக்கிய காரணமாகும்.
முந்தைய வர்த்தக நாளுடன் ஒப்பிடும்போது, ​​இன்று 148 நிறுவனங்களின் பங்கு விலைகள் குறைந்துள்ள நிலையில், அதே நேரத்தில் 52 நிறுவனங்களின் விலைகள் மட்டுமே அதிகரித்திருந்தன.
இன்றைய வர்த்தக நாள் நிறைவில் பங்குச் சந்தையின் மொத்த புரள்வு 2.07 பில்லியன் ரூபாவாக பதிவானதாக கொழும்பு பங்குச் சந்தை தெரிவித்துள்ளது.