தமிழக வெற்றிக் கழகம் (தவெக) தலைவர் விஜயுடன் தேமுதிக கூட்டணி அமைப்பது குறித்து, தேமுதிகவின் முக்கியத் தலைவரான விஜய பிரபாகரன் மறைமுகமாக குறிப்பிட்டது தமிழக அரசியலில் பரபரப்பை ஏற்படுத்தியுள்ளது. 2026 தேர்தலுக்கு தேமுதிக தனது கூட்டணியை ஜனவரி 9 அன்று நடைபெறும் கட்சியின் பொதுக்கூட்டத்தில் அதிகாரப்பூர்வமாக அறிவிக்கப் போவதாக அவர் கூறியுள்ளார்.
“எங்கள் உண்மையான கூட்டணி மக்களுடன் தான். கப்டன் விஜயகாந்திற்கும் விஜய்க்கும் நெருங்கிய நட்பு இருந்தது.விஜய் அண்ணனை எங்களுக்குப் பிடிக்கும். அரசியல் ரீதியாக இணைவது குறித்த அறிவிப்பை ஜனவரி 9 அன்று வெளியிடுவோம்.” என்று விஜய பிரபாகரன் தெரிவித்துள்ளார்.
இளைஞர்கள் மத்தியில் விஜய்க்கு உள்ள செல்வாக்கும், விஜயகாந்தின் ரசிகர்கள் மூலம் தேமுதிகவுக்கு உள்ள வாக்கு வங்கியும் இணைந்தால், அது தமிழக அரசியலில் ஒரு புதிய சக்தியாக உருவாகும் வாய்ப்பு உள்ளதாக கருதப்படுவதால், இந்த பேட்டி புதிய பரபரப்பை ஏற்படுத்தி உள்ளது.
