நடுக்கடலில் நோய்வாய்ப்பட்ட மீனவரைக் காப்பாற்றிய கடற்படை

திருகோணமலையின் கிழக்கு கடற்கரையில் பல நாள் மீன்பிடி இழுவைப் படகில் நோய்வாய்ப்பட்ட மீனவரைகடந்த சனிக்கிழமை மீட்ட கடற்படை அவரை திருகோணமலை பொது மருத்துவமனைக்கு அனுப்பி வைத்தனர்.
மார்ச் 01 ஆம் திக‌தி திருகோணமலை மீன்வளத் துறைமுகத்திலிருந்து 07 மீனவர்களுடன் ‘சடாரு 03’ என்ற பல நாள் மீன்பிடி இழுவைப் படகு புறப்பட்டதாகக் கூறப்படுகிறது. திருகோணமலை கடற்கரையிலிருந்து சுமார் 09 கடல் மைல் (16 கி.மீ) தொலைவில் கடலில் இருந்தபோது, ​​ ஒருவர் நோய்வாய்ப்பட்ட்டார். அவசர சிகிச்சகிகாக உதவி கோரப்பட்டது.
மீன்வள மற்றும் நீர்வாழ் வளத் துறை, உதவியை ஒருங்கிணைக்க கடற்படைத் தலைமையகத்தில் இருந்து செயல்படும் கடல்சார் மீட்பு ஒருங்கிணைப்பு மையத்திற்கு (MRCC) கொழும்பு எச்சரிக்கை விடுத்தது
உடனடியாகச் செயல்பட்டு, நோய்வாய்ப்பட்ட மீனவரை மீட்பதற்காக கிழக்கு கடற்படை கட்டளையிலிருந்து ஒரு படகை கடற்படை அனுப்பியது. மீன்பிடி இழுவைப் படகிலிருந்து அவரை மீட்ட பிறகு, கடற்படை ஆரம்ப மருத்துவ சிகிச்சை அளித்து திருகோணமலை துறைமுகத்திற்கு கொண்டு வந்தது. பின்னர் மார்ச் 01 ஆம் திக‌தி இரவு அவர் திருகோணமலை பொது மருத்துவமனைக்கு அவசரமாக மாற்றப்பட்டார்.