தென் கொரியாவின் முன்னாள் பிரதமர் ஹான் டக்-சூ, பதவி விலகிய பின்னர் ஜனாதிபதி தேர்தலில் போட்டியிடப்போவதாக் அறிவித்தார்.
நாட்டின் எதிர்காலத்திற்காக என்ன செய்ய முடியும் என்பதைக் கண்டறிய முடிவு செய்ததால், ஜூன் 3 ஆம் திகதி நடைபெறும் ஜனாதிபதித் தேர்தலில் தான் போட்டியிடப் போவதாக தேசிய சட்டமன்றத்தில் தொலைக்காட்சியில் ஒளிபரப்பான செய்தியாளர் கூட்டத்தில் ஹான் கூறினார். வரவிருக்கும் ஜனாதிபதித் தேர்தலில் மக்களால் தேர்ந்தெடுக்கப்படுவதற்கு முழு முயற்சியும் எடுப்பதாக அவர் உறுதியளித்தார்.
முன்னாள் ஜனாதிபதி யூன் சுக்-யியோல் இராணுவச் சட்டத்தை அமல்படுத்துவதில் ஏற்பட்ட தவறுகளுக்காக பதவியில் இருந்து நீக்கப்பட்டதைத் தொடர்ந்து, தற்காலிக ஜனாதிபதியாகப் பணியாற்றிய முன்னாள் பிரதமர், வியாழக்கிழமை பதவி விலகினார்.
சமீபத்திய கணக்கெடுப்பு ஒன்றில், ஹான் 13 சதவீத ஆதரவு விகிதத்தைப் பெற்றதாகக் காட்டியது, இது பழமைவாத மக்கள் சக்தி கட்சியின் ஜனாதிபதி வேட்பாளர்களின் ஒப்புதல் மதிப்பெண்களை விட அதிகமாகும்.
