அமெரிக்காவில் சட்டவிரோதமாக குடியேறி தங்கி வந்த பிறேஸில் நாட்டை சேர்ந்த 88 கைவிலங்கிடப்பட்ட நிலையில் விமான நிலையத்துக்குக் கொண்டு செல்லப்பட்டு அவமதிக்கப்பட்டதாகவும் இது அப்பட்டமான மனித உரிமை மீறல் எனவும் பிறேஸில் குற்றம் சாட்டியுள்ளது.
விமானத்தில் குளிரூட்டி இயக்கப்படவில்லை, , குடிப்பதற்கு தண்ணீர் கூட வழங்கப்படவில்லை, விமானத்தினுள் அதிக வெப்பம் காரணமாக சிலர் மயங்கினர் பயணிகள் கழிவறையை பயன்படுத்தவும் அனுமதிக்கப்படவில்லை என்று நாடு கடத்தப்பட்ட பயணிகள் வேதனையுடன் தெரிவித்தனர்.
பயணிகளை மிக மோசமாக நடத்தியது தொடர்பாக அமெரிக்காவிடம் விளக்கம் கேட்கப்படும் என்று பிறேஸில் வெளியுறவு துறை அமைச்சகம் தெரிவித்துள்ளது.
அமெரிக்க ஜனாதிபதியாக டொனால்டு ட்ரம்ப் இரண்டாவது முறையாக பதவியேற்று ஒரு வாரம் காலம் முழுமை பெறும் முன் ஏராளமான அதிரடி நடவடிக்கைகளை அவர் எடுத்துள்ளார்.
இதில் சட்டவிரோதமாக அமெரிக்காவில் குடியேறியவர்களை நாடு கடத்தும் ஜனாதிபதி டிரம்ப்-இன் நடவடிக்கை உலக அரசியலில் பேசு பொருளாகி இருக்கிறது.
