எட்டு வருட இடைவெளிக்குப் பிறகு இந்திய கிரிக்கெட் அணிக்காக டெஸ்ட் கிரிக்கெட்டில் கருண் நாயர் குறிப்பிடத்தக்க வகையில் மீண்டும் விளையாடுகிறார்.இங்கிலாந்துக்கு எதிரான ஐந்து போட்டிகள் கொண்ட தொடருக்கான அணியில் இடம் பெற்றுள்ளார்.
2024-25 ரஞ்சி டிராபியில் நான்காவது அதிக ஓட்டங்கள் எடுத்த வீரராகவும், விஜய் ஹசாரே டிராபியில் முன்னணி வீரராகவும் இருந்த 33 வயதான அவர், தனது நிலையான உள்நாட்டு ஆட்டங்களால் தேர்வாளர்களைக் கவர்ந்தார்.
2017 ஆம் ஆண்டு கடைசியாக விளையாடியதிலிருந்து 77 போட்டிகளின் இடைவெளியுடன், இந்தியாவுக்காக இரண்டு போட்டிகளுக்கு இடையில் தவறவிட்ட அதிக டெஸ்ட் போட்டிகளின் பட்டியலில் அவர் இப்போது நான்காவது இடத்தில் உள்ளார்.
இந்த பட்டியலில் ஜெய்தேவ் உனத்கட் (118), தினேஷ் கார்த்திக் (87), பார்த்திவ் படேல் (83) ஆகியோர் மட்டுமே டெஸ்ட் போட்டிகளுக்கு இடையில் கருண் நாயரை விட அதிக போட்டிகளைத் தவறவிட்டுள்ளனர்.
2016 ஆம் ஆண்டு இங்கிலாந்துக்கு எதிராக வரலாற்று சிறப்புமிக்க முச்சதம் அடித்த போதிலும், 2017 ஆம் ஆண்டு விளையாடும் லெவன் அணியில் இருந்து நீக்கப்பட்டார். பின்னர் தேசிய அணியில் இருந்து நீக்கப்பட்டார்.
இதனால் மனமுடையாத அவர், தனது வாழ்க்கையை மீண்டும் தொடங்க தீர்மானித்து, உள்நாட்டு கிரிக்கெட்டில் கர்நாடகாவிலிருந்து விதர்பாவுக்கு மாறினார்.அங்கு அவர் உள்நாட்டு சுற்றுகளில் சிறந்த ரன் குவிப்பாளராக ஆனார்.
