மலேசியாவிலிருந்து 15 அரசு சாரா இயக்கங்களைச் சேர்ந்த குழுவினர் இலங்கைக்கு மொழி, கலாசாரம், அரசியல் ,வணிகம் தொடர்பான ஆய்வுப் பயணம் மேற்கொள்வதற்கு என கடந்த வாரம் வருகை தந்திருந்தனர். இந்த விஜயத்தின் போது அவர்கள் மலையகம், கண்டி ஆகிய இடங்களுக்கு விஜயம் செய்தனர்.
Harizantol ngo forum எனும் ஒரு தொண்டு நிறுவனம் நடத்திய மகளிர் தினக் கருத்தரங்கில் இவர்கள் கலந்து கொண்டு சிறப்பாக செயல்படும் பெண்களுக்கு “சிங்கப் பெண்” விருது கொடுத்து கௌரவித்தனர்.
, சில வணிகம் மற்றும் வர்த்தகம் தொடர்புள்ளவர்களைச் சந்தித்து, மலேசியா மற்றும் இலங்கைக்கு இடையே வணிக ஒத்துழைப்பை எவ்வாறு மேம்படுத்தலாம் என்பதுபற்றி கலந்துரையாடினர்
அடுத்து, REDA (Regional Economic Development Agency) அமைப்பினரைச் சந்தித்து, இருநாடுகளுக்கிடையே வணிக ஒத்துழைப்பை குறித்து ஆக்கபூர்வமாக பேசி உள்ளனர். கொழும்பில் சில வணிகர்களைச் சந்தித்து, ஒருங்கிணைந்து பணியாற்றி வணிக வாய்ப்புகளை மேம்படுத்துவது குறித்து ஆராய்ந்தனர். அத்துடன், தாவரவியல் மற்றும தோட்ட உட் கட்டமைப்பு அமைச்சர்
சுந்தரலிங்கம் பிரதீப்பைச் சந்தித்தனர்.
புதிய அலைகலை வட்டம் அமைப்பைச் சேர்ந்த ராதாமேத்தாவையும், அவரது குழுவினரைச் சந்தித்து, இரு நாட்டுக்கும் இடையிலான கலை ,இலக்கிய மற்றும் கலாசாரப் பரிமாற்றம் குறித்த பல விசயங்களைப் பேசியதோடு இருநாடுகளும் ஒன்றிணைந்து கலாசாரப் புரிதலை மேம்படுத்த ஒப்புக்கொண்டனர்.இதன் போது இவர்களால் கலைஞர் ,ஊடகவியலாளர் ராதாமேத்தா விருது வழங்கி கெளரவிக்கப்பட்டார்.
