இரகசிய வாக்கெடுப்பு நடத்தும் முடிவுக்கு எதிர்ப்பு தெரிவித்து எதிர்க்கட்சி உறுப்பினர்கள் வெளிநடப்பு செய்ததைத் தொடர்ந்து, சீதவக பிரதேச சபை, சீதவகபுர நகர சபை, மாவதகம பிரதேச சபை ஆகியவற்றின் தலைவர் தேர்தல்கள் நேற்று செவ்வாய்க்கிழமை (17) ஒத்திவைக்கப்பட்டன.
தலைவரைத் தேர்ந்தெடுப்பதற்குப் பொறுப்பான ஆணையர் இரகசிய வாக்கெடுப்பு நடத்தத் முடிவு செய்ததால் சர்ச்சை எழுந்தது, இந்த நடவடிக்கைக்கு தேசிய மக்கள் சக்தியின் (NPP) உறுப்பினர்கள் ஆதரவு அளித்தனர். இருப்பினும், வெளிப்படைத்தன்மை கவலைகளை காரணம் காட்டி, ஐக்கிய மக்கள் சக்தி (SJB) தலைமையிலான எதிர்க்கட்சி திறந்த வாக்கெடுப்பைக் கோரியது.
இரகசிய வாக்கெடுப்புக்கான ஏற்பாடுகளை ஆணையர் மேற்கொண்டபோது பதற்றம் அதிகரித்தது, இதனால் மூன்று கவுன்சில்களிலும் எதிர்க்கட்சி கவுன்சிலர்கள் எதிர்ப்பு தெரிவித்து வெளிநடப்பு செய்தனர்.
வெளிநடப்புக்குப் பிறகு போதுமான கோரம் இல்லாததால், திட்டமிடப்பட்ட வாக்களிப்பு அமர்வுகள் மீண்டும் கூடுவதற்கான திகதி நிர்ணயிக்கப்படாமல் ஒத்திவைக்கப்பட்டன.
