இந்தியப் பிரதமர் நரேந்திர மோடியின் வருகையின் போது இந்தியா மீண்டும் இலங்கையுடன் நில இணைப்புத் திட்டத்தை முன்மொழிந்துள்ளது, ஆனால் இலங்கை அரசு இன்னும் உறுதியளிக்கவில்லை என தகவல் வெல்ளியாகி உள்ளது.
2002 ஆம் ஆண்டில், அப்போதைய இலங்கை அரசு இந்தியாவின் தமிழ்நாட்டில் உள்ள ராமேஸ்வரத்திற்கும் இலங்கையில் உள்ள தலைமன்னாருக்கும் இடையில் ஒரு நிலப் பாலத்தை முன்மொழிந்தது. அந்தத்திட்டத்தின் பிரகாரம் பாக்குநீரிணையில் வீதி, ரயில் பால இணைப்புகளை உருவாக்க முன்மொழியப்பட்டது.
இரு தரப்பினரும் இந்தத் திட்டம் குறித்து மீண்டும் பேச்சுவார்த்தைகளைத் தொடங்கினர், மேலும் அது கடந்த அரசாங்கத்தின் காலத்தில் வெளியிடப்பட்ட கூட்டு அறிக்கையில் கூட நுழைந்தது. இருப்பினும், கடந்த ஆண்டு ஜனாதிபதி அனுரகுமார திசாநாயக்க புது தில்லிக்கு விஜயம் செய்த பின்னர் வெளியிடப்பட்ட கூட்டு அறிக்கையில் இது சேர்க்கப்படவில்லை.
பிரதமர் மோடியின் சமீபத்திய இலங்கை வருகையின் போது, இந்தியத் தரப்பு அதை முன்மொழிந்தது. இலங்கை அரசாங்கம் அதற்கு உடனடியாக பதிலளிக்கவில்லை என்று கூறப்படுகிறது.
பிரதமர் மோடி இலங்கையில் இருந்து திரும்பும் வழியில், இந்தியப் பெருங்கடலில் 30 மைல்கள் (48 கி.மீ) வரை பரவியுள்ள இயற்கை சுண்ணாம்புக் கற்களின் பரந்த சங்கிலியான ராமர் பாலத்தைத் தரிசனம் செய்ததாக அறிவித்தார். இந்தப் பழங்கால நிலப் பாலம் அதன் புவியியல், வரலாற்று மற்றும் புராண முக்கியத்துவத்திற்காகக் கொண்டாடப்படுகிறது. இந்தப் பழங்கால சுண்ணாம்புப் பாலம் ராமரால் கட்டப்பட்டதாக நம்பப்படுகிறது.
