அரபு உச்சிமாநாட்டுக்கு எகிப்து அழைப்பு

பாலஸ்தீன பிரச்சினை, காஸா தொடர்பான சமீபத்திய முன்னேற்றங்களை நிவர்த்தி செய்வதற்காக 27 ஆம் திகதி கெய்ரோவில் அவசர அரபு உச்சி மாநாடு நடைபெறும் என்று எகிப்திய வெளியுறவு அமைச்சகம் அறிக்கையில் தெரிவித்துள்ளது.
உச்சிமாநாட்டைக் கோரிய பாலஸ்தீனம் உள்ளிட்ட அரபு நாடுகளுடன் எகிப்தின் உயர்மட்ட ஆலோசனைகள் மற்றும் அரபு லீக் (AL) உச்சிமாநாட்டின் தற்போதைய தலைவர் மற்றும் AL செயலகத்துடன் ஒருங்கிணைப்புக்குப் பிறகு இந்த உச்சிமாநாடு நடத்த முடிவு செய்யப்பட்டதாக அறிக்கையில் தெரிவிக்கப்பட்டுள்ளது.
காசாவில் இருந்து பாலஸ்தீனியர்களை எகிப்து, ஜோர்டான் உள்ளிட்ட அண்டை நாடுகளுக்கு இடம்பெயரச் செய்யும் அமெரிக்கஜனாதிபதி டொனால்ட் ட்ரம்ப் சர்ச்சைக்குரிய கருத்துக்களைத் தெரிவித்ததைத் தொடர்ந்து இந்த அறிவிப்பு வெளியிடப்பட்டது.
ட்ரம்ப் இதற்கு முன்பு இதேபோன்ற திட்டங்களை முன்வைத்துள்ளார், அவற்றை எகிப்து , ஜோர்தான் ஆகிய இரண்டு நாடுகளும் வெளிப்படையாக நிராகரித்தன, பாலஸ்தீனியர்களின் எந்தவொரு கட்டாய இடப்பெயர்ச்சிக்கும் தங்கள் எதிர்ப்பை மீண்டும் அவை உறுதிப்படுத்தின.